________________
रयणसुंदरकहा
५२१ तो कल्लिमाए कलिओ भंगेण लिंगिओ समग्गंगं । आयरिओ अरईए रणरणएण य अलंकरिओ ॥ ६६८२ ॥ आलस्सेण हिलणेण उव्वएणं पडिच्छिओ हत्थं । अणुसरिओ असुहेणं विणिद्दयाए य अभिसरिओ ॥ ६६८३ ।। दुव्विलसियं व हसियं विसयग्गामं पि विसहरकुलं व । आहारमसिप्पहरं व कलइ कुमरिं सरंतो सो ॥ ६६८४ ॥ सिसिरजलं गरलं पिव चंदमणिं सरयसमयतरणिं व । सिंगारसारं पिव मन्नइ तव्विरहे विहुरो सो ॥ ६६८५ ॥ उव्विज्जइ उज्जाणे झिज्झइ भवणे वि डज्झइ दहे वि । तल्लाहभावणुज्जयभूरिसंतावनुत्तंगो ॥ ६६८६ ॥ सव्वप्पणापरायत्तमाणसं पेच्छिऊणमत्ताणं । अणुसरिय धीरिमो सो अप्पसंठवियसमारद्धो ॥ ६६८७ ॥ अत्था वि अदिट्ठाए वि अस्सुयपुव्वस्सराए विसुईहिं । सिद्धीए विनिक्कमो निज्जइ मह माणसं तीए ॥ ६६८८ ॥ हे हियय ! समुद्धरिडं अप्पसयासाओ नट्टभल्लिओ । उज्झसु तमन्नहा सा सल्लंती न हु सुहं दाही ॥ ६६८९ ।। हे हियय ! अनलहलनिम्मियस्स नियवल्लहस्स परिहारो । जुत्तो अह न तमुज्झसि ता दज्झसि झिज्जसि य दूरं ।। ६६९० ॥ हे हिययवल्लहं विसविमिस्सभुत्तं व विहियसंमोहं । होइ अणत्था य जओ ता तच्चाए समुज्जमसु ॥ ६६९१ ॥ हे हिययवल्लहे ! सायरे व्व सुरसेलसंतलायन्ने । पडियस्स तुहुत्तारो कत्तो ता तं परिच्चयसु ? || ६६९२ ॥ हे हिययवल्लहं लिहियविन्भमं पित्तमिव कयुत्तावं । पसमेसु विवेयविसुद्धभावपीऊसपाणाण ॥ ६६९३ ॥ परिभाविरस्स एयं दढया ईसीसि तस्स संजाया । तव्विरहविणोयत्थं हरिकरिकीलं कुणंतस्स ॥ ६६९४ ।।
Jain Education International
For Private & Personal Use Only
www.jainelibrary.org
