________________
५२०
सिरिअणंतजिणचरियं तं सोउमसाहारणकरणापूरिज्जमाणमणवित्ती । खणमेत्तजोगमुद्दाए सुमरियगयणगइविज्जं ॥ ६६६९ ॥ वरमवलोइय इहि पि राय ! तुह पासमागमिस्सामि । इय कहिय तस्स पुरओ निव ! अहमिह तुहमहं पत्तो ॥ ६६७० ॥ निक्कारणा पवित्ती न होइ गुरुयाण इय तए जमहं । आगमणकारणं पुच्छिओ य तयं साहियं तुज्झ ॥ ६६७१ ॥ तो झ त्ति नियकुमारं सव्वुत्तमरूवरेहजियमारं ।। पउणं करेसु परिणयणकारणे तीए बालाए ॥ ६६७२ ॥ अहयं तु तत्थ गंतुं कहेमि जह होइ निव्वुया वरई । तह सुयलहेंति पयंपिउं रिसी मोणमल्लीणो ॥ ६६७३ ॥ एत्थंतरम्मि नियपुव्वभवदुग्गयं नणुब्भवा जाया । मुच्छा जाईसरणस्स सूयगा रायतणस्स ॥ ६६७४ ॥ तयण ससंभमधाविरदासा सीओदयच्छडासारो ।। खित्तो कुमरसरीरे तो पत्ता चेयणा तेण ॥ ६६७५ ॥ भणियं च ताय ! रिसिराय कहणु अणुसारओ मए दो वि । दिट्ठा निय पुव्वभवा इण्हि सिविणाणुभूय व्व ॥ ६६७६ ॥ तं सोउं अवणिवई पयंपए पुत्त । जुत्तमेयाए । परिणयणं पुव्वभवुब्भवाए दइया सह तुज्झ ॥ ६६७७ ॥ इय जंपिऊण नारयरिसिणो वइओ पभूयपभाए । समाणो इमिस्स समं तियस्स व अइवत्थूहिं ॥ ६६७८ ॥ तो सपरिअरे नरवई कुमारनयपायसयदलो सहसा । नारयरिसीतमसमालिसामलं गयणमुप्पईओ ॥ ६६७९ ॥
अद्दिस्सते दिट्ठिप्पहाओ तम्मिं रिसिम्मि रायसुओ । पिइपयपणओ पत्तो नियपासाए सपरिवारो ॥ ६६८० ॥
आजम्मापुव्वेणं सिविणे वि अनायतस्सरूवे वि । विलविउमारद्धो विरहदुहेण सपरिगरेणं सो ॥ ६६८१ ॥
Jain Education International
For Private & Personal Use Only
www.jainelibrary.org
