________________
५१७
रयणसुंदरकहा कुव्वंति ववहारेण जणया णाए विणीयविणया ते । तो निच्चितो जणओ सपिउसद्धम्ममायरइ ॥ ६६३१ ॥ गयणग्गलग्गसिहरालिसंगयं कणयकलससेणिसयं । कारवियं जिणभवणं बावन्नजिणालयं तेण ॥ ६६३२ ॥ तम्मि मणिकणयमयाई वन्नलंछणपमाणरम्माइं । जिणबिंबाई कराविय गणहरमंतेण ठवियाई ॥ ६६३३ ॥ हीरयमुत्ताभूसणविभूसिओ तुंग-तुरयमारूढो । माऊरछत्तअंतरियरविकरो पउरपाइक्को ॥ ६६३४ ॥ अणुगम्मतो रणझणिरकिंकिणीजालरहवरठियाए । दीणमुहाए सिंगारियाए वियसियमुहीए वि ॥ ६६३५ ॥ संझा तिगे वि गंतुं जिणभवणे निच्चमच्चइ जिणिंदे । दीणाईणं दाणाई देइ अवदाणदयरसिओ ॥ ६६३६ ॥ सम्मेयसेलसत्तुंजयाइतित्थेसु कुणइ जत्ताओ । इय सो जिणिंदतित्थप्पभावणाउज्जओ जाओ ॥ ६६३७ ॥ एवं पभूयकालं धम्माणुट्ठाणमायरेऊण । अच्चुयकप्पे सपिओ वि आऊअंते सुरो जाओ ॥ ६६३८ ॥ तत्थ बहुसूरकरदुरवलोयपरिविप्फुरंततणुतेया । दोन्नि वि अमरासुररायसरिसरिद्धीए रमणीया ॥ ६६३९ ॥ नंदीसरमंदरपव्वयाइठाणेसु सिद्धप्पडिमाओ । पूयंति निच्चं पणमइ जिणाण निसुणंति वक्खाणं ॥ ६६४० ॥ कुव्वंति जिणप्पवयणपरिपंथिजणाण सासणं सययं । माणतिय सुरलोओब्भवाई सोक्खाई असमाई ॥ ६६४१ ॥ बावीससागराणं पज्जते अच्चुयाओ चविऊण । दुत्थिय अमरो मणिमइपहुमणिसुंदरसुओ जाओ ॥ ६६४२ ॥ घणरयणाभरणालंकियंगओ रयणसुंदरो नाम । उद्दामजोव्वणुब्भासमाणमुत्ती विमलकित्ती ॥ ६६४३ ॥
Jain Education International
For Private & Personal Use Only
www.jainelibrary.org
