________________
५१६
सिरिअणंतजिणचरियं
दठ्ठे सुवन्नवुठि गामाहिवई गहेउमारद्धो । सगडाई पउणिऊणं गहिच्छिउं उत्थियं झति ॥ ६६९८ ॥ तयणु सुवन्नट्ठाणे संजाओ मुक्कपेक्कपुक्कारो । उड्ढीकयसुंडादंडचंडगलगज्जिदुद्धरिसो ॥ ६६१९ ॥
मसिणियसुवन्नचुन्नच्छडाकडारोरुकेसरपहाहिं ।
परिविरयंतो दूरं विज्जुभरा पिंजरं च जयं ॥ ६६२० ॥ दीहरनंगूलदढप्पहारकंपावियावणीवीढो ।
वज्जंकुससरिसक्कनहरचवेडुब्भडायारो ॥ ६६२१ ॥
उद्दंडपंडुदंतो सरहो उद्धाईओ गुरुरणं । तो तब्भयभरविहुरो सप्परियरो ठक्कुरो नट्ठो ॥ ६६२२ || (कुलयं ) एत्थंतरंमि विष्फुरियफारतणुतेयपसरदुनिरिक्खा ।
पयडीहूया अमरप्पलयुब्भवसहसकिरण व्व ॥ ६६२३ ॥
जंपंति साहुदाणाणंदियचित्तेहिं दाउमम्हेहिं ।
सहस त्ति कणयकोडीओ दुत्थिओ सत्थिओ विहिओ || ६६२४ ॥
तत्तो जो लवमेत्तं पि गिण्हही एय संतियं कणयं ।
अम्ह पभावओ सो मरिही सहसा सिरं फुडिउं ॥ ६६२५ ॥
जस्स पुणो सयमेसो वियरइ वद्धंतनेहभरपसरो ।
सो विलसिउं सच्छंदं न भणामो किं पि तत्थ वयं ॥ ६६२६ ॥
इय जंपिऊण तिअसा तिरोहिया झ त्ति गयणगब्भम्मि । सरहट्ठाणे पुणरवि जच्चं चामीयरं जायं ॥ ६६२७ ॥ संगहियदुत्थिएणं कारवियं तत्थ तयणुधवलहरं । थिरथोरथंभठियसालिहंजियं विलसिरगवक्खं ॥ ६६२८ ॥ उत्तमलक्खणलंछियगत्ता पुत्ता वि ताणमुप्पन्ना । सिरिधर - सिरिदत्त - सिरप्पभाभिहा रम्मरूधरा ॥ ६६२९ ॥ परिपाढिऊण परिणाविया य ईसरसुयाओ रम्माओ । जयसिरि- सिरीजया नामियाओ कुवलयदलच्छीओ ॥ ६६३० ॥
For Private & Personal Use Only
Jain Education International
www.jainelibrary.org
