________________
५१३
रयणसुंदरकहा जीवदया अणलीयं परधणचाओ परिस्थिपरिहारो । माणं परिग्गहस्स उ दिसिमाणं भोगमाणं च ॥ ६५७९ ॥ वज्जणमणत्थदंडस्स तह य सामाईयस्स आयरणं । देसावगासमाणं पोसहपालणमनिहिदाणं ॥ ६५८० ॥ दोन्नि वि एए धम्मा पसाहया सग्गमोक्खसोक्खाण । नवरं पढमो सिग्धं कमेण पुण बीयओ भणिओ ॥ ६५८१ ॥ एए उ हुंति फलया विसुद्धसम्मत्तसंगया संता ।। जिणदेव-साहु-गुरुजीवपमुहतत्तेहिं तं सुद्धं ॥ ६५८२ ॥ नीरागो निद्दोसो सद्धम्मपयासओ विमलनाणी । तत्थ जिणिंदो देवो पवज्जियव्वोसि वत्थूहिं ॥ ६५८३ ॥ बज्झन्मंतरगंशेण वज्जिओ जुगपहाण समयधरो । सज्झायज्झाणरओ गज्झो गुरुसु वि उवयारी ॥ ६५८४ ॥ जीवो तहा अजीवो पुन्नं पावं व बंध-मोक्खा य । तह आसव-संवर-निज्जरा य एयाई तत्ताई ॥ ६५८५ ॥ एयं धम्मरहस्सं एयं भवभमणवारणं नूणं । एएण सिवं भव्वा पत्ता जंतिय गमिस्संति ॥ ६५८६ ॥ ता भद्दाई इमे तुम्ह साहिया सग्गसिवफला धम्मा । जइ भवभीरूणिससत्तिसरिसमायरह तं तुब्भे ॥ ६५८७ ॥ तत्तो चित्तस्संतो पाउब्भूयए भूयसत्तीए । पुलयाकलियाई दोन्नि वि आणंदस्संदिरच्छीणि ॥ ६५८८ ॥ महिमिलियजाणुकरभालुफलयमभिनमिय रईयकरकोसं । जंपंति आभवं पि हु पहुविहियं पावमम्हेहिं ॥ ६५८९ ॥ इहि पुण होहामो महल्लकल्लाणभायणाई वयं ।। जमजोग्गहि वि पत्ता तुब्भे कल्लाणपत्तमिह ॥ ६५९० ॥ घरनिवडणं अरन्नागमो य जलतासणं च अम्हाण । पुन्नुप्पत्तिनिमित्तं जायाई दंसणे तुम्हे ॥ ६५९१ ॥
Jain Education International
For Private & Personal Use Only
www.jainelibrary.org
