________________
५१२
नूणं कल्लाणकडक्खियाइं जं वुट्ठिसीय भेएहिं । अम्हेहिं बुद्धिमंतो धम्मो विव एस सच्चविओ ॥ ६५६६ ॥ ता एय पयपणामं काऊण किं पि सुकयमज्जेमो । सेवा सप्पुरिसाणं जायइ न कयाइ जं विहला || ६५६७ ॥ इय जंपिराइं गंतूण ताइं पणमंति खवगकमकमलं । जोडियकमकमलाई चिट्ठति तयनियंताई ॥ ६५६८ ॥ तम्मि समयम्मि पारिय उस्सग्गो सो मुणी समुवविट्ठो । पुणरवि पणओ तेहिं भत्तिब्भरभिन्नपुलएहिं ।। ६५६९ ।। तो करुणानीरहिणा मुणिणा सद्धम्मदेसणा ताण । वागरिउं पारद्धा भवसिंधुत्तारणेक्कतरी ॥ ६५७० ॥ एसो भवो असारो विज्जुपरिप्फुरियचंचला लच्छी । अनिलुच्छालियसरजलकल्लोलचलाचलं आउं ॥ ६५७१ ॥
सिरिअणंतजिणचरियं
अणवरयचलिरकरिकन्नतालतुलमतुलतारतारुन्नं । लीलावई विलोलच्छिसच्छहं ललिथलायन्नं ॥ ६५७२ ॥ नवजलयपडलतलविलसमाणहरिचावचंचलो देहो । घणनेहनद्धबंधवसमागमावित्तिवित्तिसमा ॥ ६५७३ ॥
सारयसमरयसमुब्भवअब्भयभरभंगुरं पहुत्तं पि । एगो च्चिय अविणस्सरथिरस्सरूवो, धुवं धम्मो ॥ ६५७४ ।। धम्मो अभग्गसोहग्गचंगया संगदाणदुल्ललिओ । धम्मो भीमभवुब्भवपावप्पब्भारवणदाबो | ६५७५ ॥ धम्मो समग्गकल्लाणकंदकंदलणघणजलासारो । धम्मो दुग्गमसग्गापवग्गसमग्गसत्थाहो ॥ ६५७६ ॥ सो साहुसावयुब्भवभेएहिं दुहा पयासिओ समए । पढमो दसप्पयारो बीओ य पुणो दुवालसहा ॥ ६५७७ ॥ खंती य मद्दवो अज्जवो य मुत्ती तवो य नायव्वो । संजमसच्चाकिंचण - सोयाइं बंभचेरं च ॥ ६५७८ ॥
Jain Education International
For Private & Personal Use Only
www.jainelibrary.org
