________________
रयणसुंदर कहा
आसारनीरधाराधोरणिसंमिलियसलिलपूरेण ।
एगन्नव व्व जगई नज्जइ निउणेहिं वि नरेहिं ॥ ६५५३ ॥ जम्मि सुहिमेहमालालोइऊण नच्चंति पमुईया सिहिणो । अहवा न कस्स हरिसा य जायए सरससुहिसंगो || ६५५४ ॥ अप्पतिरोहणरोसेण निग्गया तारय व्व भिन्नघणा । मेहंधारनिसाए भमिरा रेहंति खज्जोया ॥ ६५५५ ॥ एयारिसिम्मि वरिसायाले निवडंतनीरधारासु । वायंतम्मि महंते वाए सुक्कारमुहरम्मि ॥ ६५५६ ॥ कोलायड्ढय धूलीपडलं जुन्नं घरं वरायस्स । पडियं दड त्ति बिलजलपवेसनिब्भन्नपायतलं ॥ ६५५७ ।। नवरं दिणम्मि दोह वि परभवणे कम्ममायरंताण । तेणमणत्थो जाओ न ताण घरओ वरायाण । ६५५८ ॥ बलहरणघूणाणयणकारणे वीय वासरे गोसे ।
दोन्नि वि गयाई रन्ने गहिऊण कुहाडए निच्चे ॥ ६५५९ ॥ गिन्हंताणं ताणं घरकरणोवक्कमा य घूणाई । वरिसेउं पारद्धो घणो घणथूलधाराहिं ॥ ६५६० ॥ जलनित्तकायलग्गं तवा य संजायसीयविहुराई । लीइंति ताइं दोन्नि वि चडिऊणासन्नसेलगुहं ॥ ६५६१ ॥ न पवेसे पढमे तेहिं किं पि दिट्ठ गरिट्ठगुहगब्भे । " अहवा को वि न पेच्छइ उज्जोया पविसिरो तिमिरे” ? तो खणमेत्ताणंतरमच्छीओ पेच्छिउं पवत्ताओ । दढ व्व वत्थजायं ताणमविसओ अरूबीजं ॥ ६५५३ ॥ थिरयरकयनयणाइं ताइं निरिक्खंति खवगमुणिमेगं । निच्चलमुस्सग्गठियं, थिरया गुणविजियसुरसेलं ॥ ६५६४ ॥ दट्ठूण तयं जंपंति दो वि पुन्नेक्कमंदिरं एसो । साहू धम्मज्झाणज्जियाण जो ठाउमेगंते ॥ ६५६५ ॥
Jain Education International
For Private & Personal Use Only
५११
॥ ६५६२ ॥
www.jainelibrary.org
