________________
रयणसुंदर कहा
सम्माणो अवमाणो महसक्कारो वि सो तिरक्कारो । पुज्जइ न जत्थ भंडणभिडंत भडकोउयं राय ! ।। ६५०१ ॥ भडसमर भराभावे दोन्हसवत्तीण मच्छरपराण । अप्पाइऊण कलहंतो भज्जजुज्झं निरिक्खेमि ॥ ६५०२ ॥ ताहि
तोडंति ताओ दंतेहिं तह वियारिति निच्चनहरेहिं । अन्नोन्नमुट्ठिघाएहिं हणिय पाडंति दंते वि ॥ ६५०३ ॥ उप्पाडयंति केसे कन्ने तोडंति दिंति निस्सावे । ईसीसिपहरिसो होइ मज्झ तेणावि अवणिंद ! ॥ ६५०४ ॥ अह कह वि मह अभग्गाओ जायए तो सवक्किजुज्झं पि । तो कुक्कुडाइपक्खिप्पभवं पि हु जुज्झमिक्खेमि ॥ ६५०५ ॥ इय कहियं राय ! मए कुसलं तुह अत्तणो याणिं तु । तं पि रयणासणम्मिं उवविसिउं कहसु नियकुसलं ॥ ६५०६ | आएसो त्ति भणित्ता राया तत्थासणे समुवविसिउं । जंपर पहु ! तुह पायप्पसायओ मह सया कुसलं ॥ ६५०७ ॥ तमकप्पियकप्पतरूअचिंतचिंतामणी जमल्लियसि ।
तं चि कल्लाणाणं ठाणं ठाणं न पहु ! अन्नं ॥ ६५०८ ॥ निक्कज्जाओ पवित्तीउ हुंति कईया वि नूण न गुरूण । ता कहह मह सहाए लंकरणपओयणं पहुणो ? || ६५०९ || तो भाइ नारयरिसी निवकज्जं तुज्झ दंसणं पढमं । अवरं पि जमत्थि तयं पि संपयं सुणसु साहेमि ।। ६५१० || इह अत्थि मयभरब्भमिररवरम्मकरिकुलविलासं । करिकुलविलासनामं नयरं नयरसियनायरयं ॥ ६५११ ॥
विलसिरचरिएण समुन्नएण चंदुज्जलेण जयगुरुणा । सालेण हरेण व जं सोहइ परिहाणवज्जेण ॥ ६५१२ ॥ गयचक्कसंखपाणी गुरुबलभद्दो य सउणरायसिओ । लच्छीविलासराया लच्छीनाहो व्वं तत्थत्थि ॥ ६५१ ॥
Jain Education International
For Private & Personal Use Only
५०७
www.jainelibrary.org
