________________
५०६
उव्वहमाणो परिपक्कसालिवणपिंगगुरुजडासउडं । हिममहिहरो व्व सिरधरियगेरुयासिहररमणीओ ।। ६४८८ ॥ सहचारिसिस्सकरधरियछत्तिया हरियतरणिसंतावो । नारयरिसीनहेणं अवयरिओ रायअत्थाणे ॥ ६४८९ ॥ (कुलयं) दट्ठूणं तं नरिंदो सरहसयं मुक्कआसणो सहसा कइवयपयाइं सम्मुो आगतुं भणइ विणण || ६४९० ॥ पहु ! एह पहपयं महासणं भयह महक्कयपसाया । तो सो उवविट्ठो रायरयणसीहासणुच्छंगो ॥ ६४९१ ।। तो सो निवमंडलिय-मंति- सामंत - कुमरसंजुत्तो । पणओ पवित्ततप्पायपउमपरिमिलियभालयलो ।। ६४९२ ॥ आउच्छिओ य पहु-पिहू - भुवणोयरगब्भभमणसीलस्स । तुह सव्वया वि कुसलं जणोवयारप्पसत्तस्स ॥ ६४९३ ॥ सो आह राय ! असिघायखुडियभडसिरकबंधनट्टाई । रणरंगुच्छंगो पिच्छरस्स मह सव्वया कुसलं ॥ ६४९४ ॥ असमछुहा- पिवासा गेलन्नुप्पन्नसइविवज्जासे । पत्तम्मि वि परमन्ने घयसक्करचुन्नमिस्सम्मि ॥ ६४९५ ॥ पविसइ जइ मह सवणे समरभरारंभभेरिभंकारो । ता उज्झिऊण भोज्जं पि जामि तक्कोउयं सत्थुल्लूरियकरिहरिनरसिररुहिरोरुधारवरिसेण । उवसामिज्जइ मह मणकोऊहलदावजालोली || ६४९७ ॥ सो पुन्नाह होअह मह महूसवो तं समग्गकल्लाणं । अदयासिघायदोखंडजायसुहडे जमिक्खेमि ॥ ६४९८ ॥
सिरिअणंतजिणचरियं
Jain Education International
छं || ६४९६ || (जुयलं )
हुंकारिऊणमन्नोन्नदंसणे तोडणपरेसु सीसेसु । जुज्झत-भडधडेसु य नरिंद ! वीसमइ मह दिट्ठी ।। ६४९९ ॥ गीयाओ विसरमल्लियभडकरुणक्कंदियं मह सुयाह । कडयडरवो वि गयपयचंपणभडभज्जिरिट्ठीण ॥ ६५०० ||
For Private & Personal Use Only
www.jainelibrary.org
