________________
५०५
रयणसुंदरकहा सग्गो व्व सुरिंदेणं गयणाभोगो व्व पव्वचंदेण । सीलेण व साहुजणो नीइपरो सियजसेणे वा ॥ ६४७५ ॥ सुहभावेण व धम्मो सयणागयसिरिहरेण व समुद्दो । रमणिमणोहरनवजोव्वणेण समलंकिओ कुमरो || ६४७६ ॥ तो मित्त व्व विलासा जाया पासट्ठिया कुमारस्स । अणवरयं सेविज्जइ सो दासीहिं व लीलाहिं ॥ ६४७७ ॥ अच्चंतपरिचिया से जाया कंदप्पदप्पनयविणया । सहचारिणो सया वि हु विमलगुणा अंगरक्ख व्व ॥ ६४७८ ॥ सोहइ पियाला वप्पया व साहाए कित्तिपन्भारा । तस्सेवया फुरंता कुव्वंति जयं पि तस्स वसे ॥ ६४७९ ॥ नरनाह-दंडनायग-सामंतामच्चमंडलीयाणं । समवयकुमरेहिं समं कीलंतो गमइ कालं सो ॥ ६४८० ॥ सेवइ य सया गंतुं सहाए नियतायपायसयवत्तं । दिन्नमहाणंदो सो लोयस्स भवट्ठियस्सावि ॥ ६४८१ ॥ कइया वि गोससमयम्मि निवसुओ गुरुकरेणुमारूढो । सियछत्तरियरवी रमणीकरयलचलिरचमरो ॥ ६४८२ ॥ उत्तमउत्तुंगतुरंगवग्गठियमित्तमंडलीकलिओ । पत्तो सहाए पिउपायपंकयं पणमियनिविट्ठो || ६४८३ ॥ एत्थंतरम्मि तारच्छविनियसारीरतेयपसरेण । गयणं निरब्भसारयससिजोण्हजुयं व विरयंतो ॥ ६४८४ ॥ गेरुयरसरत्तंबरपावरणो लोयविरईयप्पणई । विलसंतथूलतारो संझावसरो व्व सविवेओ ॥ ६४८५ ॥ मणइट्ठरायवाइयवीणा भावणवसेण चलिरसिरो । पाहाउयसीयलपवणफंसवसजायकंपो व्व ॥ ६४८६ ॥ धरमाणो नियकंठावलंबिफलिहक्खमालियं विमलं । नियमुहससिसेवागयविलसिरनक्खत्तमालं व ॥ ६४८६७ ॥
Jain Education International
For Private & Personal Use Only
www.jainelibrary.org
