________________
ર૪
सिरिअणंतजिणचरियं भुत्तं च विसयसोक्खं बहुकालं ता समत्थि नो तस्स । किं पि हु खूणं मोत्तूणमेगमणवच्चयादुक्खं ॥ २७८ ॥ तत्थ वि अत्थे उवजाइयाई दिन्नाइं भूरिदेवाण । विहिया य मंत-मूलिय-न्हाणाइउवक्कमाऽणेगे ॥ २७९ ॥ किं बहुणा ? जं जं जाणगेहिमइदुक्करं पि उवइडें । तं तं सकलत्तेण वि सव्वं पि कयं नरिंदेण ॥ २८० ॥ नवरं नेगो वि सुओ जाओ जइ वा परम्मुहे दिव्वे । सव्वं पि होइ विहलं (सहलं) पुण सम्मुहे तम्मि ॥ २८१ ॥ (महालच्छी दंसणं) अह अन्नया नरिंदो निसीहसमयम्मि जग्गए जाव । ता नियइ दुरालोयं तेयप्पसरं परिप्फुरियं ॥ २८२ ॥ तह तम्मज्झे जोव्वणरमणीयं तारतरलसरलच्छि । पउमासणोवविठं मुहजियवियसियसहस्सदलं ॥ २८३ ॥ सिंचिज्जति सियगुरुकरिंदकरकलियकणयकलसेहिं । करजुयलट्ठियवियसियकमलरूणुज्झुणिरछच्चरणं ॥ २८४ ॥ पावरियदेवदूसं दिव्वालंकाररइयसिंगारं । अच्चन्भुयख्वधरं समीवपत्तं महालच्छि ॥ २८५ ॥ (कुलय) अवलोइऊण नियगोत्तदेवयं मुक्करयणपल्लंको । पणमिय कयंजली विन्नवेइ राया तयं देविं ॥ २८६ ॥ तं देवि ! जणमणोवंछियत्थवित्थारदाणकप्पलया । तं चेव खीरनीरहितणए ! भुवणाहिलसणीया ॥ २८७ ॥ सो चेव पुन्नपत्तं सामिणि ! सिविणा वि जेण दिट्ठा सि । किं पुण सक्खं चिय निययदंसणं देसि जस्स तुमं ? || २८८ ॥ ता कयमहापसाया निओयदाणेण मं अणुग्गहसु । इय कयकरकोसे विन्नवित्तु मोणट्ठियम्मि निवे ॥ २८९ ॥
Jain Education International
For Private & Personal Use Only
www.jainelibrary.org
