________________
रयणसुंदरका
बालकुमारी वाईसरि व्व लच्छि व्व चारुकरकमला । सेविज्जंती चेडयचक्केण नरिंदकंत व्व ॥ ६३९७ ॥ आराहिज्जेती बहुजोइयजोइणिजणेण विणयपरं । जोईसरीसरन्ना सरणागयसव्वसत्ताण ॥ ६३९८ ॥ ( कुलयं) दट्ठूण निवं सहसा उज्झियदोला चलंतसेज्जं सा । परिवारजुया मंथरगईए पत्ता निवाभिमुहं ॥ ६३९९ ॥ पावेसु सव्वसिद्धीओ राय ! राय त्ति दिन्नआसीसा । जंपइ दोलासिज्जं एयमलंकरह पहुणो त्ति ॥ ६४०० ॥ उचियप्पडिवत्तिकमं राया जोगीसरीए रइऊण । उवविट्ठो आरुहिउं दोलापल्लंकतूलीए ॥ ६४०१ ॥ जोईसरी वि रायाणापरायणासणे समुवविट्ठा । सेसो य जोगसिद्धिप्पमुहजणो वि हु जहाजोग्गं ॥ ६४०२ ॥ जोगीसरीए भणियं भूमीवइ ! भवणगब्भमखिलं पि । सुहण पवित्तेणं तुमए रविण व्व लंकरियं ॥ ६४०३ ॥ को नाम तुमं व परप्पओयणुज्जयमई महासत्तो । उज्झियरज्जं साहेज्जमेवमायरइ मरणं तं ॥ ६४०४ ॥ किमिपुंजइअकप्पेहिं, बहुएहिं वि किं सुएहि जणणीण ? । परउवयारिक्करओ एक्को वि हु होइ तुह तुल्लो || ६४०५ ॥ जइ तं नागच्छंतो सिद्धं तो ता न जोगसिद्धीए । बहुविग्घयरसुरवई मंताहिट्ठायगो अमरो || ६४०६ ॥ तो राय ! जायसु तुमं, नियहिययाभिमयमुत्तमं वत्युं । निस्सेसभुवणगब्भे जमसत्थं नत्थि मे किं पि ॥ ६४०७ ॥ तं सोउमाह राया जोईसरि ! तुज्झ दंसणाओ वि । किं अस्थि किं पि परमं पत्थेमि तुमं जमणुसरिउं ॥ ६४०८ ॥ अवरं च निगुणस्स वि गुणित्तमारोवसे मह तुमं जं । तं परमवि अप्पसमं पेच्छसि जेणेरिसं भणियं ॥ ६४०९ ॥
Jain Education International
For Private & Personal Use Only
४९९
www.jainelibrary.org
