________________
रयणसुंदर कहा
तो रोसवसप्पमुक्कापेक्कहक्केण खेत्तवालेण । मुक्को झड त्ति रायस्स दुस्सहो कत्तिया घाओ ।। ६३७१ ।। करणक्कमेण तं वंचिऊण नरनायगेण खेत्तवरं । हणिऊण पायघाएण पाडिओ भूमिवट्ठम्मि ॥ ६३७२ ॥ तो झत्ति उट्ठिऊणं तेणुल्लालियनिवो नहे खित्तो । निवडंतस्साभिमुही भेयत्थं कत्तिया वि कया ।। ६३७३ ।। निवडतेण निवेण वि तस्सम्मुहभुयग्गगहियखग्गेण । तालुतलेणं जा नाहिमंडलं ताव सो भिन्नो ॥ ६३७४ ॥ आमोडिऊण दाहिणभुयाओ सत्ति व्व कत्तिया गहिया । तेणा वि करप्पहरेण धाडिउं पाडिओ राया ।। ६३७५ || आयड्ढि नियंगाओ खग्गमुग्गीरिडं निवं जाव । हणिउं लग्गो खग्गो ता पडिओ निवपयप्पहओ ।। ६३७६ ॥ ता ते निराउह च्चिय दुन्नि वि मल्ल व्व जुज्झिउं लग्गा । कडिबद्धछूरिया वि हु नीइ त्ति निवो न तं हाइ ॥ ६३७७ ॥ अह बद्धिउमारद्धो खेत्तवरं अनइअयसपसरो व्व । भुवणस्स वि भयजणओ, अइकालकरालकाएण ।। ६३७८ ।। तक्केसग्गहणत्थं करणेण निवो वि झ त्ति उच्छलिओ । गिलिओयक्करकवलो व्व तेण वयणं विडंबेउं ॥ ६३७९ ।। तयणु च्छुरियाए वियारिऊण उयरं विणिग्गए तम्मि । अइविरसमारसंतो झड त्ति खेत्ताहिवो नट्ठो ॥ ६३८० ॥ एत्थंतरम्मि संसिद्धमंतउल्लसियपहरिसुक्करिसा । मडगाओ सहस त्ति उट्ठिया जोगसिद्धीवि ॥ ६३८१ ॥
संसिद्धमंतदेवप्पभावओ उल्लसिय तेयपब्भारा ।
सोहंती सा सूरप्पह व्व तिमिरक्करं हणिउं ॥ ६३८२ ॥ (जुयलं) चलिया लीलारएण झणंतमंजीरसिंजियसरेण ।
कूईयमुल्लासंती नइतडट्ठिय रायहंसाण ॥ ६३८३ ॥
Jain Education International
For Private & Personal Use Only
४९७
www.jainelibrary.org
