________________
रयणसुंदरका
तो सालि - सूय - वंजण - घय - नव-पक्कन्न - सिहरिणीहिं निवो । भोयाविओ य तीए ससक्करेणं च खीरेणं ॥ ६२९३ ॥ दाऊण हत्थसोयं मुहसोयं चंदणेण कारविओ । कप्पूरचारुचंदण-चुन्नकरवट्टणं च निवो ॥ ६२९४ ॥ कप्पूर - तया - एला - किम्मिरी - पत्त - जाइफलजुत्तो । कंकोलय-फलकलिओ तंबोलो अप्पिओ रन्नो ।। ६२९५ ॥ भुत्तूणं तंबोलं महल्लपल्लंकललियतूलीए । निद्दासुहमवणिवई माणइ मज्झन्हसमयम्मि ॥ ६२९६ ॥ दिणविरमणसमयम्मि निद्दा विगमम्मि मुक्कपल्लंके । विविहाओ कुणइ वत्ताओ, सो समं जोगसिद्धीए ॥ ६२९७ अहमवि सरामि रयणीए जह निवो जोइणीए सन्नेज्झं । काउं वलइ त्ति विभावि व अत्थं गओ तरणी ॥ ६२९८ ॥ नियपइरविविगमम्मि रुड त्ति संझाए उज्झिओ राओ । जीवंते वि विरच्चइ, पइम्मि महिलामयम्मि न किं ? ॥ ६२९९ ॥
सव्वत्तमवसुविलसिरपवित्तनियतरणितणयअत्थवणे ।
सोएणं व पुव्वदिसा जाया तिमिरेण कालमुही ॥ ६३०० ॥
पलयानिलउल्लसियकालोयहिकालसलिलपूरो व्व ।
उत्तमपुरिस अकिच्चायरण च्चिय अयसपसरो व्व ॥ ६३०९ ॥
रिसिघायणाइकारयनरवित्थरमाणपावपुंजो व्व ।
पच्छायंतो भुवणं वित्थरिओ तिमिरपब्भारो || ६३०२ ।। (जुयलं)
नहयलतमालवणसंडमंडली कुसमिय व्व आभाइ । सव्वत्तो परिविप्फुरिय फारतारसमूहेण ॥ ६३०३ ॥ एत्थंतरम्मि सा जोगसिद्धिवरजोइणीकयसिणाणा । विरईय विलेवणाधोयपोत्तिपावरियतणुजट्ठी ॥ ६३०४ ॥ समइक्कंते पढमम्मि समहिए जामिणीए जामम्मि । पउणीकाउं पूओवगरणमखिलं पि सयमेव ॥ ६३०५ ॥
Jain Education International
For Private & Personal Use Only
४९१
www.jainelibrary.org
