________________
४८९
रयणसुंदरकहा तो पडिकारकराओ गहिऊणं अंकुसं गइंदो सो । नेउं गयसालाए, खंभम्मि निवेण अग्गलिओ ॥ ६२६७ ॥ सलहिज्जंतो लोएहिं, हत्थिखंधाओ झ त्ति उत्तरिओ । भणिओ य पडिहारेण विणयपुव्वं कयंजलिणा ॥ ६२६८ ॥ भो पुरिसरयणगरुय । मयणउम्मत्तहत्थिकुलदमण । तुह सत्तरंजिओ तं राया वाहरइ ताएहिं || ६२६९ ॥ भणियं भूवइणा भो पडिहारिण्हि समावणयणत्थं । कयन्हाणो निवपासे गोसाम्म समागमिस्सामि ॥ ६२७० ॥ अज्जं पुण कसिणचउद्दसी तिही विट्ठिमंगलेहिं जुया । एक्कं पि वज्जणिज्जं सुहकज्जे किं पुण तिगं पि ॥ ६२७१ ॥ इय जंपिय पडिहारं विसज्जिउं जा जणेण वुच्चंतो । गुरुहत्थिमंथरगई संपत्तो विवणि-वीहीए ॥ ६२७२ ॥ ता गुव्विणिरमणीए नियपइ-पिउ-भाइ-सहिं-समेयाए । पवरंगयवत्थंचलमुब्भामिय भणियं मिउवयणं ॥ ६२७३ ॥ नररयण धम्मबंधव, परोवयारप्पसत्त जसपत्त ! । आचंदक्कं नंदसु, पुत्त-पुत्ताइगोत्तजुओ ॥ ६२७४ ॥ तो तीए सयणवग्गेण पणमिउं पाणिपउमकयकोसं । जंपियमिमं तए च्चिय, अम्ह विइन्ना इमा बाला ॥ ६२७५ ॥ तणतुलियनियसरीरो जइ न तुममिमंगयाओ रक्खंतो । ता सब्भूणा वि धुवं जममुहकुहरम्मि गच्छंती ॥ ६२७६ ॥ ता निययागमणेणं भवणं अम्हाण सुयणमाणिक्क ! । समलंकरसु महायस ! निद्दक्खिन्ना न जं गुरुणो ॥ ६२७७ ॥ रायाह अहं पवासिओ इहं ता विलंबिउं न खमो । गच्छिस्सं कज्जुस्सुयचित्तो देसंतरे दूरे ॥ ६२७८ ॥ तो तेहिं ढोवियाहिं महग्घवत्थाई राय-पाय-पुरो । भणियं च कुणह अम्हं अणुग्गहं एय भोगेण ॥ ६२७९ ॥
Jain Education International
For Private & Personal Use Only
www.jainelibrary.org
