________________
४८८
उद्दालिऊण वालं महीए तं मुत्तुमुग्गवेगेण । हक्कंतो संचलिओ राया हत्थी वि निवमग्गे ॥ ६२५४ ॥ बालाए रायपिट्ठीए धाविरं पेच्छिऊण दुट्ठकरिं । भणियं गुरुसद्देणं अहो महासत्त ! निसुणेसु ॥ ६२५५ ॥ मह कीडियकप्पाए कलिकप्पहुमपरोवयारपरो । किमिणत्थे विच्छिन्ने अप्पा तुमए विणिक्खित्तो ॥ ६२५६ ॥ करिदिन्नग्गहणासो पसरइ रायारएण गरुएण । अणुसरइ करी वि तयं संझावसरो व्व रविबिंबं ॥ ६२५७ ॥ गच्छंतम्मि निवम्मि गच्छइ वलिरम्मि वलइ दच्छी वि । अणुरत्तसेवओ विव, पहुचित्तणुवत्तणुक्कत्तो ॥ ६२५८ ॥ पुरओ रएण राया गच्छइ पेच्छई य हत्थिणो समुहं । तह उज्जमं ति गरुया, न हवइ णत्थो जह पराओ ॥ ६२५९ ॥ आसन्नगयम्मि गए तव्वामंगं निवो गओ झति । वलिओ करी वितं पइ गुरु न मंदो समाद्धे ॥ ६२६० ॥ खिन्नो वि धावइ च्चिय न मुयइ मग्गं करी नरिंदस्स । वसणावडिओ वि गुरू न कुणइ पारद्धपरिहरणं ।। ६२६१ ।। करणेण करिं लंघिय दाहिणपासे गयं निवं नाउं । तक्कयवसियरणो विव तप्पहमणुसरइ हत्थी वि ॥ ६२६२ ॥ पुणरवि धावइ राया तहेव हत्थी वि तव्वहासाए । विरमंति न पावाओ जइ वा संता वि मायंगा || ६२६३ ।। खिन्नो करि ति खित्तम्मि उत्तरीए निवेण निवइति । दंतेहिं भिंदइ तयं कत्तो नाणं मयंधाणं ? || ६२६४ ॥ नियउत्तरीयनिब्भयपरिणयं पेच्छिउं गयराया । करणेण खंधमारुहिय मुट्ठिपहारेहिमभिहणइ ॥ ६२६५ ॥ काउं निप्फंदतणुं गइंदसिक्खावियक्खणो तयणु । तं कुणइ पसंतं मिउगिराहिं हरिऊण कोवभरं ॥ ६२६६ ||
Jain Education International
सिरिअणंतजिणचरियं
For Private & Personal Use Only
www.jainelibrary.org
