________________
४८७
। रयणसुंदरकहा एत्थंतरम्मि गयभव-भयत्तनासंतलोयहलबोलं । सोउं जो जाओ फुरियरोसउक्करिसदुद्धरिसो ॥ ६२४१ ॥ उक्खित्तकरो तुरियं, गज्जंतो नवघणो व्व गंभीरं । नासंतनरतुरंगाणुमग्गमुद्धाविओ हत्थी ॥ ६२४२ ॥ दो पासविवणिसेणी सिरगयजणरोलरोसओ करिणा । वलिऊण हट्टखंभो, वेगेणायड्ढिओ झ त्ति ॥ ६२४३ ॥ तो समकालं पडियं दड त्ति निबिडयरकट्ठघडियं पि । गुरुहट्टपट्टसाला तिगमक्कंदंतजणजुत्तं ॥ ६२४४ ॥ तो तेणिक्का जोव्वणरमणीया रईयरम्मसिंगारा । गब्भमरालसगमणा बाला बालेण सच्चविया ॥ ६२४५ ॥ अइकोवुक्करिसविमुक्कफारफुक्कारविदुरिल्लेण । पक्खिविय करं करिणा संगहिया तयणु सा सहसा ॥ ६२४६ ॥ गुरुकरिकयंतउत्तासकंपिरा सुंदरी भणइ भो भो ।। धावह धावह सिग्धं, मोयावह मं करिजमाओ ॥ ६२४७ ॥ के निवीरा पुहई किमिहत्थि न कोइ सत्तसारनरो । जमुवेक्खह मं करिणा हणिज्जमाणिं नियंता वि ॥ ६२४८ ॥ तो उच्चट्ठाणारूढलोयहाहारवो समुच्छलिओ ।। (क्खह रक्खह करिणो सयासओ रमणिमेयं ति || ६२४९ ॥ पहणतेसु चउद्दिसि पडिकारेसु पमुक्कहक्केसु । . छलकट्टय-पुरिसेसु य नियडीहुंतेसु महिलत्थं ॥ ६२५० ॥ पासायसिरारूढे अवलोयतम्मि तप्पुरि नरिंदे । किं कायव्व विमूढे भडविंदम्मि वि ठिए दूरे ॥ ६२५१ ॥ तो मणिसुंदरराया गयकरगयगुव्विणीरमणिरुयणा । विप्फुरिय करुणभावो तिणगणणागणियनियदेहो ॥ ६२५२ ॥ गाढीकयपरिहाणो दढबंधनिबद्धकुंतलकलावो । करणेण करि पहणइ पयप्पहारेणं कुंभयडे ॥ ६२५३ ॥
Jain Edication International
For Private & Personal Use Only
www.jainelibrary.org
