________________
४८२
सिरिअणंतजिणचरियं वामकरकमलतलगयकवोलमइदुक्खियं तयं रुइरिं । आपुच्छइ नरनाहो तद्दुहदूमियमणो दूरं ॥ ६१७७ ॥ भद्दे ! का नाम तुमं, हिं- मह धवलहरसिहरमारूढा । किं वा दुहं सकरुणं जं रोयसि दीणसंजणिरी ? || ६१७८ ॥ जइ मह कहणीयमिणं तहा कहतीए जइ तुह समाही । ता कहसु अह न ता लहसु भद्दमहमिच्छियं जामि ॥ ६१७९ ॥ तं सोउं सा सहसा ल्हसिरुत्तरियुल्लसंतथोरथणी । मुत्तुं दोलासिज्ज अवणियमाबद्धकरकोसा ॥ ६१८० ॥ महुरगिरं जंपइ साहणारिहो होसि जइ न राय ! तुमं । ता कस्स कहिस्सं नेह पुच्छए किं अकहणिज्जं ? || ६१८१ ॥ (जुयलं तह असमाही का नाम, मज्झ तुज्झोवयारनिरयस्स ।। ता आयन्नसु मह रुयणकारणं न ईय पल्लंकं ॥ ६१८२ ॥ तो राया उवविट्ठो दोलापल्लंकललियतूलीए । सा वि निवाएसेणं उवविट्ठा विट्ठरे तरुणी ॥ ६१८३ ॥ रइयकरजुयलकोसा विणयपरा तं कहेउमारद्धा ।। अत्थि पहु ! महच्छरिया नयरी नामेणमुज्जेणी ॥ ६१८४ ॥ सूरत्थमणे जीए सया वि दिज्जति परिपओलीओ । निसिनिप्पसरपरिब्भमिरजोइणीचक्कछिड्डभया ॥ ६१८५ ॥ तीए पुरीए निस्सेसजोइणी जोइवग्गनयपाया । जोईसर त्ति नामेण जोइणीकन्नया वसइ ॥ ६१८६ ॥ अमरि व्व भमइ गयणे मीण व्व वियंभए समुद्दजले । मज्झ गयं पि न जलणो दहइ तमंगारसोयं व ॥ ६१८७ ॥ अमयं व पियइ गरलं कवलइ पज्जलिरजलणमसणं व । तिव्वमुहाई विवज्जत तं म भिंदंति सत्थाइं ॥ ६१८८ ॥ जन्नामग्गहणे वि हु उसहकरणे व्व जंति वाहीओ । नासइ साइणिदोसो मूलीए तीए आणाए ॥ ६१८९ ॥
Jain Education International
For Private & Personal Use Only
www.jainelibrary.org
