________________
४७२
६०५३ ॥
अवरन्हे पडिबुद्धो पीयजलो जाव नियइ आरामं । ता फासुए पएसे पेच्छइ मुणिमेगमुवविट्टं ॥ ६०४९ ॥ असमस्सिरी निवासं पसमामयसंगसुहियदेहं पि । विलसिरतारसुवन्नं निग्गंथसिरोमणि पि सया ।। ६०५० ॥ तं दणं कुमरो उच्छलियअतुच्छभत्तिपब्भारो । गंतुं तस्स सयासे नमइ महीमिलियभालयलो ॥ ६०५१ ॥ मूत्तूण सुहज्झाणं वियरइ साहू वि धम्मलाहं से । एत्थतरम्मि पत्तो नायरनरनारिनियरो वि ॥ ६०५२ ॥ तम्मि वि पणइपुरस्सरमुवविट्ठे पत्तधम्मलाहम्मि | मुणिणा वि समारद्धा धम्म हा भव्वभवहरणी ॥ भो भो भव्वा जइ भे भवभूओब्भूयभयभरुब्भंता । सद्धम्ममहामंतं ता नियचित्तम्मि संठवह ॥ ६०५४ ॥ मरणेण जीवियव्वं वाहिज्जइ जोव्वणं पि हु जराए । तह इट्ठाणं गोट्ठी अणिट्ठजणसंगमदुहेण ॥ ६०५५ ॥ रोएहिं देहजट्ठी दोहग्गेणं लसंतसोहग्गं । लच्छीभंगेण सुहं दुहेण सुयणो वि पिसुणेण ॥ ६०५६ || रोसेण समो माणेण मद्दवो अज्जवो य मायाए । मुत्ती लोहेण वयं विलयाहिं तवो नियाणेण ॥। ६०५७ ॥ विणओ य घट्टत्तेणं जसो अकज्जेण गारवेण गुणो । साहुत्तं वयणविवज्जएण सीलं कुसंगेणं च ॥ ६०५८ || पाएण समग्गाणि वि भवत्थवत्थूणि सपडिवक्खाणि । जइ वंछह सिद्धसुहं ता तुब्भे कुणह सद्धम्मं ।। ६०५९ || सव्वाणि वि कल्लाणाणि जेण जीवाण हुंत धम्मेण । नासंति य. दुरियाई दुयं पि धम्मं पि भावेण ॥ ६०६० ॥ इय सोउं मुणिभणियं तप्पुरपुज्जो धणड्ढओ सेट्ठी । जंपर पहु ! कोइ सुही कोई दूही कारणं किमिह ? ॥ ६०६१ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
