________________
भावणाधम्मेसिंगारमउडकहा
४७१
कालो बहु वि हु गओ नयणनिमेसो व्व मह सुहुक्करिसा । इण्हि कहं भविस्सं सहायरहिओ अडईमज्झे ॥ ६०३६ ॥ जणणी-जणयविओगो गयावहारो तिसा-छुहाउरया । नेगं पि मए नायं एच्चियकालं अरण्णे वि ॥ ६०३७ ॥ पढमं अवहरणदुहं तो असमसुहं पुणो वि अइदुक्खं । दितेण अहं दूरं विडंबिओ विहिविलासेण ॥ ६०३८ ॥ अहवा किं चिंताए जं जईया होहिही तयं तइया । सव्वं पि सहिस्समहं सया वि जेणेरिसं भणियं ॥ ६०३९ ॥ जह जह वाएइ विही विसरिसभंगेहिं निठुरं पडहं । धीरा पसन्नवयणा नचंति तहा तहा चेव ॥ ६०४० ॥ जणणी-जणयाईणं मिलणुस्सुयमाणसो वि न तरामि । तेसिं मिलिउं जमहं तप्पुरपहमवि न याणामि ॥ ६०४१ ॥ नवरं इह चिठेंतो करि-हरि-सद्दूल-सरह-भिल्लभवे । पाविस्सं असहाओ उवद्दवे अप्पमत्तो वि ॥ ६०४२ ॥ ता मुत्तूणमरन्नं वसिमे जामि त्ति चिंतिउं चलिओ । गोवियरयणाभरणो विरईय भूरिप्पयाणगणो ॥ ६०४३ ॥ विंझाडइ मज्झाओ निग्गंतुं गाम-नगर-खेडाइं । लंघतो संपत्तो नयरं नामेण सूरपुरं ॥ ६०४४ ॥ तप्परिसरधरणीरमणिभूसणं धरणिभूसणं नाम । उज्जाणं कयलीवण-दक्खामंडवकयच्छायं ॥ ६०४५ ॥ गंगाजलं व घणसारसंसियबहुसुवन्नसयवत्तं । सायरसलिलं पिव सुप्पवालकलियं जमाभाइ ॥ ६०४६ ॥ तम्मि बहुपहपरिस्समसंता ठावणयणस्थमणुपत्तो । पविसियवहंतअरहट्टजलसिणाओ ठिओ सत्थो ॥ ६०४७ ॥ दाडिमदक्खकयलीफलेहिं काऊण पाणवित्तिं सो । किंकेल्लिपल्लवारईयसत्थरे माणए निदं ॥ ६०४८ ॥
Jain Education International
For Private & Personal Use Only
www.jainelibrary.org
