________________
४६९
भावणाधम्मेसिंगारमउडकहा होऊण लयंतरिओ ताव ट्ठिओ गयकुलं गयं जाव । एगावाया छुट्टो बीय अवाए पडइ को वा ? ॥ ६०११ ॥ काउं जलावगाहं पाउं नीरं फलाई भुत्तं सो । चलिओ भमिरो विंझवासिणीभवणमिक्खेइ ॥ ६०१२ ॥ तम्मि पविट्ठो पेच्छइ देविं अच्चतरूवरमणीयं । कयसाहावियमुत्तिं कुमारपुन्नोदयवसेण ॥ ६०१३ ॥ तो विझवासिणीए देवीए पेच्छिऊण तं कुमरं । परिभावियं किमेसो को वि हु कीलइ सुरकुमारो ? || ६०१४ ॥ अहवा खयरकुमारो जणगाइविवज्जिओ भमइ भूमिं । . भूगोयराण जम्हा, नेवं रूवस्सिरी होइ ॥ ६०१५ ॥ एवं चिंतंतीए देवीए विंझवासिणीए मणे । उम्मीलिओ असरिसो सहस त्ति सिणेहसब्भावो ॥ ६०१६ ॥ तो विज्जुभरा पिंजरतणुतेयाऊरियं वरदियंता । सिंगारं ति व्व जयं मंजुगिरं जंपिउं लग्गा ॥ ६०१७ ॥ इह एहिं एहि वच्छय ! अच्छसु मणवंछियत्थमच्चत्थं । नितो निओवओगे, उल्लासिय अमंदआणंदो ॥ ६०१८ ॥ अंब ! तुहाएसो मे पमाणमिय जंपिउं ठिओ तत्थ । सो वंछियसंपज्जंतवत्थ-मणिभूसणाहारो ॥ ६०१९ ॥ विहिओ तीए सहस त्ति नाण-विन्नाणजाणओ बालो । अहवा सुरसन्नेझेण जायए किं न कल्लाणं ? ॥ ६०२० ॥ आइट्ठा अमरा तस्स सेवया देवयाए नेहेण । जं भणइ कुमारो तं सया वि तुब्भेहिं कज्जं ति ॥ ६०२१ ॥ तो विंझाडइ मज्झे सेरविहारेण तस्स भमिरस्स । कुव्वंति वंतरा तं जं सेवयसमुचियं कज्जं ॥ ६०२२ ॥ तहाहि - को वि अमरो वसीकयगयमप्पइ तम्मि सो समारुहई ।
Jain Education International
For Private & Personal Use Only
www.jainelibrary.org
