________________
४६८
सिरिअणंतजिणचरियं
विंझो व्व फलिहखंडेहिं गयणमग्गो व्व भूरितारेहिं ।
आमलयथूलमुत्ताहलेहिं सो लंकिओ सहइ ॥ ५९९८ ॥ मणिभूसणभासुरिओ तो अणुसरिओ सकामकरिणीहिं । अच्चब्भुयसिंगारो, नरो व्व नेहेण रमणीहिं ॥ ५९९९ ॥ तो कामकेलिकज्जे, करिणी कलिओ जलासए चलिओ । पेच्छइ तं उव्वेल्लिरकल्लोलच्छलिरसलिलकणं ॥ ६००० ॥ . जं पत्तपरिब्भमिरब्भमरप्पवियासिपुंडरीएहिं ।। नियइ अपुव्वगयं विप्फारियफारनयणेहिं ॥ ६००१ ॥ जइंतमहल्लुल्लोलवेल्लिउल्लासचलजलच्छलओ । सिंचिउमिच्छंतं पिव मुच्छिय कुमरं समुहमेइ ॥ ६००२ ॥ जम्मि पविसिरनवकरिपक्खुहियजलाओ उड्डिडं हंसा । गयणम्मि गया नवरायहंसअवलोयणत्थं व ॥ ६००३ ॥ करिणी-कुलपरिकलिओ करी पविट्ठो महद्दहे तम्मि । मग्गस्सममवहरिलं लग्गो जलकेलिमणुहविउं ॥ ६००४ ॥ कीय वि करेणुगाए करकयकोमलमुणालनालेण । सुहरसनिमीलियच्छो पहओ कुंभत्थले हत्थी । ६००५ ॥ अवराए पुणो सकरं भरिऊण जलेण सिंचिओ सकरी । तेणच्चंतं सीयलजलेण सित्ता कुमारतणू ॥ ६००६ ॥ कयचाडुयअवक्खरेणुयाए घेत्तुं करेण कयलिदलं । वीयंतीए गइंदं कुमारमुच्छावि अवहरिया ॥ ६००७ ॥ तो उठ्ठिओ कुमारो सुत्तविबुद्धो व्व हत्थिसेज्जाओ । अवलोयइ जलकीलारसप्पसत्तं तयं हत्थिं ॥ ६००८ ॥ जलकीलारसवसओ कलिओ करिणीकुलेण लीलाए । सलिले अगाहगाहे भमिरो पत्तो तडासन्ने ॥ ६००९ ॥ गयपिट्ठसमुस्सेहं दठूणं दहतडं सुहुत्तारं । तो ऊट्ठिऊण कुमरो पत्तो झपाए तम्मि तडे ॥ ६०१० ॥
Jain Education International
For Private & Personal Use Only
www.jainelibrary.org
