________________
भावणाधम्मेसिंगारमउडकहा
४६५
सो सामीण महब्भुदयकारणं तेण विन्नवेमि अहं । ता पहुणओ तन्नमिउं पवित्तयं अत्तणो कुणह ॥ ५९६० ॥ तं सोऊणं राया जंपइ मंति-अमच्च । गच्छामो । दठूण केवलिक्कमकमलं पावं परिहरामो ॥ ५९६१ ॥ तह पुच्छामो पुत्तप्पउत्तिमेयाण तं न तिजए वि । जं नाणगोयरम्मि नागच्छइ सुहुममेत्तं पि ॥ ५९६२ ॥ भणियं सचिवेण पहु ! इह परभवसंभवा दुवे वि गुणा । एगो वि आयरिज्जइ किं पुण दुगमवि गुरुनईए ॥ ५९६३ ॥ आरामपालयनरं कयत्थमत्थप्पयाणओ काउं । गुरुरिद्धीए केवलिकमनमणत्थं निवो चलिओ || ५९६४ ॥ गयखंधसमारूढो गय-हय-रह-जोह-वूहकयवेढो । सामंत-मंति-मंडलिय-सेट्ठि-सत्थाहसंजुत्तो ॥ ५९६५ ॥ गंतुं तम्मिय मयरंदसुंदरे मणहरम्मि उज्जाणे । सह पंचरायविविहिं सिंदुरं चयई नरनाहो ॥ ५९६६ ॥ पेच्छइ पविसंतो धवलपडयपावरणधवलियसरीरं । कंचणकमलनिविठं हंसं पिव केवलिमुणिदं ॥ ५९६७ ॥ निवई तं दठूणं अंतो वियंभिओद्दामभत्तिपन्भारो । राया तिपयाहिणपुव्वयं पहुं नमिय उवविट्ठो ॥ ५९६८ ॥ एत्थंतरम्मि घणमणिविमाणगणजणियगयणसिंगारा । पत्ता नहयरनाहा नमिय मुर्णिदं समुवविट्ठा ॥ ५९६९ ॥ तो नहयरिंदनरवइसहाए सद्देसणा समारद्धा । केवलिणा केवलभवनिवासविद्धंससंजणणी ॥ ५९७० ॥ भो भो भव्वा ! सव्वं पुण वि एसो विणस्सरसरूवो । संसारो जमिमम्मिं सव्वं पि हु अत्थिरं वत्थू ॥ ५९७१ ॥ तहाहि - नवजोव्वणहरिणच्छी कडक्खविक्खेवचंचला लच्छी ।
Jain Education International
For Private & Personal Use Only
www.jainelibrary.org
