________________
४६४
होऊण देव ! दढमाणसो तुमं कुणसु रज्जकज्जाई । धीरा सोयं ति न जं नट्ठविणट्ठेसु वत्थूसु ॥ ५९४७ ।। तं चैव रक्खियव्वो सव्वपयत्तेण सामिसालसया । जं तुमए जयंते जयं पि सुत्थं जओ भणियं ।। ५९४८ ॥ जेण कुलं आयत्तं तं पुरिसं आयरेण रक्खेज्जा । न हु तुंबम्मि विणट्ठे अरया साहारया हुंति ॥ ५९४९ ॥ पहु ! तुह देहे कल्लाणभायणे पुत्तया भविस्संति । वलिही सो वि कुमारो ता उज्झसु सोयसंभारं ॥ ५९५० ॥ इय मंतिविहियविन्नत्तिउ निवो ईसिं ईसिं अवसोओ । चित्तअणुत्तिन्नसुओ रज्जसिरिं पालिडं लग्गो ॥ ५९५१ ॥ नवरं वत्तामेत्तं पि नागयं कत्थई कुमारस्स । एवमइक्कंताई वरिसाई निवस्स चउवीसं ॥ ५९५२ ।। एत्थंतरम्मि मंडलियमंति- सामंतपूरियत्थाणे । उवविट्ठे नरनाहो चिट्ठइ सीहासणे जाव ता वज्जावलिविलसिरमुत्तावलईयपिसंडिदंडकरो । विन्नवइ पडीहारो निबद्धकरकमलजुयकोसो ॥ ५९५४ ॥ देव ! दुवारे उज्जाणपालओ कुसुमसुंदरो नाम । पहुदंसणं समीहइ एत्थत्थे को ममाएसो ? ॥ ५९५५ ॥ रायाह झत्ति मुंचसु समेओ सो विन्नवेउ करणिज्जं । आएसो त्ति भणित्ता तो सोउं मुंचए गंतुं ॥। ५९५६ ।। पडिहारकयपवेसो, पविसित्तु सहाए पणमिऊण पहुं । विन्नवइ देव ! मयरंदसुंदराभिहवरुज्जाणे ॥ ५९५७ ॥ अज्जेव गोससमए समणुत्तविहाण विरइयविहारो । सिरिरयणकुंडलो नाम मुणिवई एत्थ संपत्तो ॥ ५९५८ ॥ केवलसिरी जुओ जो निग्गंथसिरोमणिमणित्तवित्तो वि । समणो वि अमणवित्ती, सरोयवयणो वि नीरोगो ।। ५९५९ ॥
५९५३ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
