________________
४६०
सिरिअणंतजिणचरियं निउणनडरईयनाडय-लउडा रसरासएऽवलोयंतो । उव्वहइमसरिसप्पसरपरिगओ पुलयपन्भारं ॥ ५८९५ ॥ ईय मासमेत्तविरईय क्धावणउ पसत्थदिवसम्मि । कुमरस्स देइ राया नामं सिंगारमउडो त्ति ॥ ५८९६ ॥ न्हावण-कीलावण-अंकधरण-थणपाण-मंडणपराहिं । पालिज्जंतो पंचहिं धाईहिं पवद्धए बालो ॥ ५८९७ ॥ ससि-सूरदरिसणे छट्ठि-जागरे मुंडणे य रिखणए । चंकमणे चूडाविरयणे य से ऊसवा विहिया ॥ ५८९८ ॥ परिवद्धिउं पवत्तो बालो सेवय-मणोरहेहिं समं । वरिसे छट्ठम्मि कलागहणावसरं समणुपत्तो ॥ ५८९९ ॥ तो रम्मरयणभूसणसिंगारविरायमाणसव्वंगो । कपूरमिस्सचंदणरईयविलेवणधवलदेहो ॥ ५९०० ॥ सुरहिसियकुसुममाला, विलसिरसिरसेहरो धवलवत्थो । आमलयथूलमोत्तियहारावलिकलियवच्छयलो ॥ ५९०१ ॥ मयगंधलुद्धबंधुरइंदिदिरविंदरोलकलियंमि । आरोविओ निवेणं गिरिगरूयकरेणुरायम्मि ॥ ५९०२ ॥ तरुणीकरचालियसेयचामरो सेयछत्तलंकरिओ । मणिमयसुहासणासीणं मंतिणा अणुसरिज्जंतो ॥ ५९०३ ॥ उत्तमउत्तुंगतुरंगवग्गगयचलिरचारुसामंतो । रणझणिरकिंकिणीरम्मरहधरारूढमंडलिओ ॥ ५९०४ ॥ तंबक्कचुक्कढक्का-नीसाण-निनायपूरियदियंतो । बंदियणजयजयारावपुव्वपरिपढियथुइवाओ ॥ ५९०५ ॥ नालियरदक्खदाडिमखज्जूराऊरियाई थालाई । वहमाणीहिं अविहवरमणीहिं य रइयअणुसरणो ॥ ५९०६ ॥ ईय असरिसरिद्धीए कुमरो पट्ठाविओ पढणकज्जे । रन्ना कलावियक्खण नाम उवज्झायपासम्मि ॥ ५९०७ ॥
Jain Education International
For Private & Personal Use Only
www.jainelibrary.org
