________________
४५६
जस्सप्पयावदावो, पज्जलइ मणोवणेसु सत्तूणं । तेणेव तम्मुहाई धूमेण व हुंति कलुसाई || ५८४४ ॥ गुणरयणरोहणागिरीपयावपब्भावसरयखरकिरणो । जसजोन्हारयणियरो नयनिज्झरगरुंगिरिराओ ॥ ५८४५ ॥ तस्संतेउरतरुणियणसामिणी हंसगामिणी कंता । कन्ना दीहरनेत्ता समत्थि सिंगारसिरि नामा ॥ ५८४६ ॥ जा सारंगी वि सुहत्थिणी वि सुमईवि अग्गमहिसी वि । तेरिच्छीरूवा वि हु जं सा रमणी तमच्छरियं ॥ ५८४७ ॥ चारित्तंचक्कसरसी निम्मलगुणतारयोहमहवीही । लीलाकलिया लईया सोहयामयसमुद्दसिरी ।। ५८४८ ॥ तीए सह पोढपेम्मप्पसरुब्भवभूरितोयसत्तस्स । खणमेत्तं पि वच्चंति वासरा भूमिनाहस्स ॥ ५८४९ ॥ सुहुमो मईए धूलो जसम्मि वुड्ढो तणू तस्सत्थि । कज्जुज्जमम्मि तरुणो, नामेण महामई मंती ॥ ५८४५० ॥ न सहइ कलुसप्पयईण एस नामं पि मा विणासेही । इय चिंतिउं व धवलत्तमुवगया रोमराई सो ।। ५८५१ ।।
सिरिअणंतजिणचरियं
न खमइ घट्टाणमिमो ता मज्झ वि मा करिस्सर अणत्थं । इय परिभवेण भीय व्व तस्स मुत्ती ठिया सिढिला ॥ ५८५२ ॥ नयनिउणम्मि हियम्मिं भत्ते सकुलक्कमागए तम्मि । रज्जसिरिभारमप्पिय विलसइ सच्छंदमवणिवई || ५८५३ ॥
तहाहि
कइया वि गुरुविभूईए भासिओ रायरईयसंसोहो । अंगीकयकइलासो हरो व्व रेहइ महत्थाणे ॥। ५८५४ ॥ कईया वि वाहियालीए कीलए तक्कवायविउसो व्व । राया रंजिज्जतो पउरपयुल्लासवाईहिं ।। ५८५५ ॥
Jain Education International
For Private & Personal Use Only
www.jainelibrary.org
