________________
४५४
सिरिअणंतजिणचरियं
सिसिरे रिंखोलियसरियनीरकणनिवहवाहिवाएहिं । रोमंचमुव्वहंता कुणंति रयणीसु उस्सग्गे ॥ ५८२० ॥ आयावयंति गिम्हे खरतररवि-बिंबनिहियनियनयणा । अनलज्जालालीतुललूयानिलतत्तसव्वंगा ॥ ५८२१ ॥ वासासु गरुयगिरिरायगुरुगुहागब्भविरईया वासा । चउमासकयुववासा धम्मज्झाणं झियाइंति ॥ ५८२२ ॥ निस्सेसदेसभासावियक्खणो सूरिगुणगणो वेओ । गणहरपयम्मि ठविओ केवलिया चंदकंतमुणी ॥ ५८२३ ॥ विहरइ गुरुआणाए, पडिबोहंतो महीए भव्वोहे । दिक्खई य रायमंडलिय-मंति-सामंतपमुहजणं ॥ ५८२४ ॥ आमोसहि-विप्पोसहि-गयणंगणगमणपमुहलद्धीहिं । समलंकिओ सिरीहिव, सुकयुज्जम्मि भव्वसत्तो व्व ॥ ५८२५ ॥ तो वेयड्ढसुरालयनंदीसररुयगपमुहठाणेसु ।। गंतुं सिद्धप्पडिमाओ पणमए गयणगमणेणं ॥ ५८२६ ॥ बहुवरिसपालियवया मुणिणा कल्लाणपुंजचंदजसा । कल्लाणसिरी चंदस्सिरी य चंदावली तह य ॥ ५८२७ ॥ सव्वाणि वि एयाई कयअंताराहणा अणसणाई । मरिडं सव्वट्ठम्मि पत्ताई अणुत्तरविमाणे ॥ ५८२८ ॥ तेत्तीस सायराइं भुत्तं तत्थामरस्सिरिं परमं । उववज्जिय रायहरेसु माणिउं रायलच्छीओ ॥ ५८२९ ॥ परिहरिउं रज्जाई अंगीकयसव्वविरइकज्जाई । संपत्तकेवलाई ताई गमिस्संति मोक्खम्मि ॥ ५८३० ॥ कइया वि हु सुक्कज्झाणजलणनिद्दड्ढघाइकम्मपुणो । सिरिचंदकंतसूरी, अणंतनाणेण लंकरिओ ॥ ५८३१ ॥ तो अवणिंतों भविययणमाणमुल्लसियं विविहसंदेहे । पयडंतो तत्ताई नव चेव य जिणवरुत्ताइं ॥ ५८३२ ॥
Jain Education International
For Private & Personal Use Only
www.jainelibrary.org
