________________
तवोवरिचंद कंतकहाणयं
अनिलचलद्धयझणहणिरकिंकिणीगणविरायमाणासु । मणिथंभग्गट्ठियसालिहंजिया जणियसोहासु ॥ ५८०७ ॥
नेत्तपडिमेहडंबरचंदोदयतलपलंबिहारासु । माणिक्कविणिम्मियमत्तवारणस्सेणिसोहासु ॥ ५८०८ ॥
डज्झतागरुकप्पूर-धूव - धूमंधयारियदिसासु ।
सिबियासु समारूढा सकलत्ता कणयकलसासु || ५८०९ ॥ दिसि - विप्फुरंतघणरायरयणसयजायसक्कवासासु । ते मणिनिम्मियसीहासणेसु सव्वे वि उवविट्ठा ॥ ५८१० ॥ चलियाणवज्जवज्जंतमंजुलाउज्जसरभरियभुवणा । सिरधरियसियछत्ता रमणीकरचलिरचमरचया ।। ५८११ । दिंता किवण - वणीमग- जायग- दीणाइयाण दाणाई | अइचित्तचमक्कारं कुव्वंता दुक्कहाणं पि ॥ ५८१२ ॥ गय-तुरय-रह- सुहासण - लंघिणिया बहिलसेज्जवालाई । आरुहिय सह चलंतेहिं रायलोएहिं संजुत्ता ॥ ५८१३ ॥ गिज्जेता वारविलासिणीहिं चारणगणेहिं थुव्वंता । तित्थं पभावयंता संपत्ता केवलिसयासे ॥। ५८१४ ॥ सिबियाए समं मुत्तुं सियायवत्ताइ पंच निवककुहे । कियतिप्पयाहिणा नमिय केवलिं जाययंति वयं । ५८१५ ॥
तो केवलिणा नाणोवलद्धइट्टं समणुसरंतेण ।
प्रतिन्नि वि सकलत्ता दिक्खिया तहा के वि अवरे वि ॥ ५८१६ ॥ गहणं गहियासेवणमिय ते सिक्खा दुगं पि सिक्खविया । अज्जाण अज्जियाओ समप्पियाओ सुसीलाण ॥ ५८१७ ॥ अंगोवंग - पयन्नगपयरणपमुहो समग्गसिद्धंतो । पढिओ सुत्तत्थोभयरूवो विहु चंदकंतेण ॥ ५८१८ ॥ अवरेहिं पुणो नियजोग्गयाई अंगाई किं पि हु अहीयं । सव्वे वि तिव्वतव - चरण-करणाइकयकिरिया ।। ५८१९ ॥
Jain Education International
४५३
For Private & Personal Use Only
www.jainelibrary.org
