________________
तवोवरिचंदकंतकहाणयं
सोहग्गसुंदरामरजीवो जो चंदकंतकंताए ।
चंदावलीए जाओ पुत्तो पव्वयगुहा एसो ॥ ५७८१ ॥ आपावे दुस्सीले दुट्ठे ! घरहंजिय त्ति पुव्वभवे । भणियं वसंतसेणाए सासुया सम्मुहं जमिमं ॥ ५७८२ ॥ तं दुव्वयणवसेणं बहुया विसयम्मि सासुया दूरं । वहइ पओसं जेणं जमज्जियं एइ तं तस्स ।। ५७८३ ॥ तक्कम्मोदयवसओ विणयवई वि हु विसुद्धसीला वि । गहिऊणं गलं एसा सुयाए निद्धाडिया बहुया ।। ५७८४ ॥ जोव्वणमयउम्मत्ता अहिमाणिणो रिद्धिगुरुगहायत्ता | सपहुत्तगव्विया विय कोहाइकसायकलुसमणा ॥ ५७८५ ॥ दुकम्मविलसियं तं किं पि समज्जिति जेणमाजम्मं । कंदता वि न छुट्टति पाणिणो तव्विवागाओ ।। ५७८६ ॥ दुक्कम्मलवा वि समज्जिओ महादुक्खदायगो होइ । विसकणिया वि हु भुत्ता मारइ गरूए करिंदे वि ॥ ५७८७ ॥ विमलो वि हु थोवेण वि अप्पा कलुसिज्जए कुकम्मेण । वीययखंडमणुं पि हु जलममलं पि हु कुणइ नीलं ॥ ५७८८ ॥ दुक्कम्मलवभवं पि हु पावं पसरइ महादुहसएहिं । वडबीयं कूरलवो वि होइ रुद्धंबरो रुक्खो ॥ ५७८९ ॥ अणुमेत्तं पि कुकम्मं विणासए बहुतरं पि पुन्नभरं । न विणासइ गुलभारं किं तुंबी बीयमित्तं पि ॥ ५७९० ।। थोवं पि हु दुकम्मं न धुवमुवेहिज्जए विवेईहिं । जम्हा उवेहियं तं पवद्धए जेणिमं भणियं ॥ ५७९९ ॥
अणथोवं वणथोवं अग्गीथोवं कसायथोवं च ।
न हु भे वीससियव्वं थोवं पि हु तं बहुं होइ ॥ ५७९२ ॥
तो जे विवेयवंतो परावराहे वि ते न कुप्पंति ।
अह कह वि हु कुवियातो खामंति परं पणयपुव्वं ॥ ५७९३ ॥
Jain Education International
For Private & Personal Use Only
४५१
www.jainelibrary.org
