________________
४५०
सिरिअणंतजिणचरियं तद्देसणाए पावियपडिबोहो ठाविऊण नियरज्जे । सोहग्गसारपुत्तं, वयं पक्त्तो समीवे से ॥ ५७६८ ॥ समहीय समग्गागमवसगीयत्थत्तगुरुगुणावासो । विहरइ गुरुणा सद्धिं तव-किरियाकरणकयचित्तो ॥ ५७६९ ॥ समणो वसंतदेवो बहुकालं पालिऊण समणत्तं । आलोयणावयुच्चरणखामणाणसणकयमरणो || ५७७० ॥ पत्तो अच्चुयकप्पे वसंतसेणा वि निययदुव्वयणं । गुरुपुराणालोईय मरिडं कप्पे गया तम्मि ॥ ५७७१ ॥ पडिबोहिय भविओहं तो बहुवरिसेहिं रायरिसिवसहो । मरिउं तत्थुववन्नो सत्त वि जाया सुरा सुहिणो ॥ ५७७२ ॥ नंदीसराइसिद्धालएसु कल्लाणएसु य जिणाण । जंगमजिणेसरा य महिमाहिं पुन्नमज्जिति ॥ ५७७३ ॥ बावीस सागराई भुत्तं सव्वाई सग्गसोक्खाई । सव्वे वि हु चविऊणं उपन्ना मच्चलोगम्मि ॥ ५७७४ ॥ जीवो वसंतसेट्ठिस्स सो सुरो आसि अच्चुए कप्पे । चंदपुरीए पुरीए सो जाओ चंदजससेट्ठी ॥ ५७७५ ॥ जो आसि वसंतसिरी अमरो सो चंदजसपिया जाया । . नामेणं चंदसिरी सिरि व्व करकमलकमणीया ॥ ५७७६ ॥ जीवो वसंतरायामरस्स कल्लाणपुरवरे जाओ । कल्लाणपुंजराया ताया निम्मलनयगणस्स || ५७७७ ॥ हुंतो वसंतलच्छी अमरो जो सो नरेसरस्स पिया । कल्लाणसिरी नामा जाया निम्मलकलाकुसला ॥ ५७७८ ॥ जाओ वसंतदेवो देवो चंदजससेट्ठिणो तणओ । नामेण चंदकंतो चंदुज्जलकित्तिपन्भारो ॥ ५७७९ ॥ जो पुण वसंतसेणा अमरो सो चंदकंतपियभज्जा । चंदावलि त्ति भज्जा जाया चंदुज्जलचारुचारित्ता ॥ ५७८० ॥
Jain Education International
For Private & Personal Use Only
www.jainelibrary.org
