________________
४४७
तवोवरिचंदकंतकहाणयं रोहिणि रिक्खदिणो रोहिणीतवे सत्तमासवरिसाइं । सिरिवासुपुज्जपूयापुव्वं कीरइ अब्भत्तट्ठो ॥ ५७२९ ॥ एक्कारस सुयदेवी, तवम्मि एक्कारसी उ माणेण । कीरति चउत्थेहिं सुयदेवी पूयणापुव्वं ॥ ५७३०. ॥ सव्वंगसुंदरतवे कुणंति जिणपूयखंतिनियमपरा । अदुव वासे एगंतरंबिले धवलपक्खम्मि ॥ ५७३१ ॥ एवं निरुजसि हो वि हु नवरं सोहेइ सामले पक्खे । तह अहिययरो कीरइ गिलाण पडिजागरणनियमो ॥ ५७३२ ॥ सो परमभूसणो होइ जम्मि आइंबिलाणि बत्तीसं । अंतरपारणयाई भूसणदाणं च देवस्स ॥ ५७३३ ॥ आयई जणगो चेवं नवरं सव्वासु धम्मकिरियासु । अणिगूहियबलविरियप्पवित्तिजुत्तेहिं सो कज्जा ॥ ५७३४ ॥ एगंतरोववासा सव्वरसं पारणं च चेत्तम्मि । सोहग्गकप्परुक्खेहिं होति तहा विज्जए दाणं ॥ ५७३५ ॥ तव-चरणसमत्तीए कप्पतरूजिणपुरो समत्तीए । कायव्वो नाणाविहफलविलसिरसाहिया सहिओ ॥ ५७३६ ॥ तित्थयरजणणिपूयापुव्वं एक्कासणाई सत्तेव । तित्थयरजणणि-नामग-तवम्मि कीरति भद्दवए ॥ ५७३७ ॥ एक्कासणाइएहिं भद्दवयचउक्कगम्मि सोलसहिं । होइ समोसरणतवो ते पूया पुव्वविहिएहिं ॥ ५७३८ ॥ नंदीसरपडपूयाए नियसामत्थसरिसतवचरणे । होइ अमावस्सतवो अमावसावसरुद्दिट्ठा ॥ ५७३९ ॥ सिरिपुंडरीय नामतवम्मि एक्कासणाइकायव्वं । चित्तस्स पुन्निमाए पूएयव्वा य तप्पडिमा ॥ ५७४० ॥ देवग्गठवियकलसो जा पुन्नो अक्खयाण मुट्ठीए । जो तत्थ सत्तिसरिसो तवो तमक्खयनिहिं बिंति ॥ ५७४१ ।।
Jain Education International
For Private & Personal Use Only
www.jainelibrary.org
