________________
४३०
उवयारे कारावइ, सत्थवरं मंत-तंत- जंतेहिं । दोसो च्चिय परिवइ, न गुणो से थोवमेत्तो वि ॥ ५५१३ ॥ जाणाविओ नरिंदो, तुरियतरं सो वि तत्थ संपत्ती | पेच्छइ वसंतदेवं, वियलावत्थाए वेल्लं तं ॥ ५५१४ ॥ तो तत्थ सयं उवविसिय करियं मंत-तंत - जंताई । मणि- मूलियाओ दाहिणभुयम्मि वद्धाओ बहुयाओ || ५५१५ ॥ तोडियपक्खो पक्खि व्व मच्छओ विव थलम्मि पक्खित्तो । ताल्लोविल्लि काउं, सो सिग्घमचेयणो जाओ ।। ५५१६ ॥ तो तप्पायंतपए ससंठिया झत्ति मुच्छिया कंता । नियईयमरणविहुरावडणसमायरियमरण व्व ॥ ५५१७ ॥ सीयलजलकणकिरणानिलदाणायरणजायचेयन्ना । रुयइ सकरुणं पइमरणरुंदरणरणयरुद्धतणू ॥ ५५९८ ॥ हा जाय ! मंत-संनिहि हा विरईयमंत-तंताइ सुविहि ! ॥ हा उत्तमगुणमणिनिहि ! हा दुन्नयदारुदहणसिहि । ॥ ५५१९ ।। किं तं जत्तं अम्हं मोत्तुं पत्तो महापवासे तं ।
पडिवन्नस्स सरिच्छं, अहव इमं नाह ! मह कहसु ॥ ५५२० ॥ गच्छामि कस्स पासे, कंठामरणं अहं पवज्जामि । जूहब्भट्ठ व्व मई दीणो, जायम्हि पियविरहे ॥ ५५२१ ।। हे देव्व ! निद्दया हं हयास, तहया समं किमेएण । पढमयरं वा न जहा, हुंती एवं दुहट्ठाणं ॥ ५५२२ ॥ सच्चविरं निज्जीवं, वसंतदेवं निवो वि दुक्खत्तो । पम्मुक्कपेक्कपोक्को, अक्कंदइ परियणसमेओ ।। ५५२३ || हा पुरिसरयण ! रज्जं दिन्नं सत्तंगमवि तए मज्झ । दुस्सज्झसाइणीदोसजणियमरणाओ रक्खेडं ॥ ५५२४ ॥ दीसंति पभूया वि हु, सामन्नुवयारकारिणो पुरिसा । सो तं चिय परवेरं, अगणिय जो कुणसि उवयारं ॥ ५५२५ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
