________________
४२५
.
तवोवरिचंदकंतकहाणयं विहियाई मंतजंतोवयारणाई व मंतवाईहिं । रइयाई संतिकम्माई, बलिविहाणं दिसासु कयं ॥ ५४४८ ॥ गहपूया चच्चर-पूयणं च, पियतप्पणं जलपूया । कुलदेवया समाराहणाईयं विहियइ बहुसो ॥ ५४४९ ॥ सप्पाडिहेरदेवाण, भूरि उवजाइयाई भणियाई । जाणगजणोवइटें अणुट्ठियं सव्वमवि सययं ॥ ५४५० ॥ दूरं कुमंतिए.हिं कयत्थिया नियनहेहिं निवनासा । सह करकणिट्ठियाए पक्कवणा पीडइ जहा तं ॥ ५४५१ ॥ रज्जमपुत्तयमेयं न रज्जपत्तं समत्थिगोत्ते वि । एएण कारणेणं सत्थेस ! वयं विसन्न त्ति ॥ ५४५२ ॥ तं सोऊणं सत्थाहिवो वि दूरं विसायमावन्नो । जंपइ वसंतदेवं, जाणसि तं मित्त ! किं किं पि || ५४५३ ।। तेणुत्तं जो पत्तं कयस्थए संभवाईओ सो किं । सो च्चिय मंतन्नू जो दोसं निग्गहइ दूरठिओ ॥ ५४५४ ॥ ता मह दंसह देवं जहा अहं जाणिऊण तद्दोस । काहामि तं अरोगं, जइ विप्फुरिही पयाभग्गं ॥ ५४५५ ॥ तं सोउं दोवारियनरेण नियनायगस्स विन्नत्तं । तेणा वि संतिणो तो नीया ते दो वि पासाए ॥ ५४५६ ॥ पेच्छंति तत्थ सामंत-मंति-मंडलियपमुहजणविंदं । करसन्नाए कज्जाई, कारयंतं न वायाए || ५४५७ ॥ वारंतं च पविसिर निग्गच्छिर लोयपयपयाररवं ।। निवजोग्गओसहाई, सयमेव य पउणयं तं च ॥ ५४५८ ॥ ठाणे ठाणम्मि महायणाइलोयम्मि मंतयंतम्मि । निस्सद्दे बंदियणे, अवज्जिरे मंगलाउज्जो ॥ ५४५९ ॥ आयंबिरनयणाणुमियरोयाण वामकरगयकवोले । अंतेउरे सासाए अविहववलये कलंकारे ॥ ५४६० ॥
Jain Education International
For Private & Personal Use Only
www.jainelibrary.org
