________________
तवोवरिचंदकंतकहाणयं
देवगुरूणं अम्मापिऊणनियगोत्तदेवयाओ य ।
नमि सपिओ वि गओ सत्थम्मि समुद्ददत्तस्स ।। ५४२२ ॥ माऊऱछत्तअंतरियदिणयरं गुरुतुरंगमारूढं ।
निययागमणं सत्थाहिवई पणमित्तु विन्नवइ ॥ ५४२३ ॥ सम्माणिय तं जंपइ सत्थाहो वच्छ ! वाहणाईयं ।
सव्वं पि तुज्झ तणयं तं गिण्हसु जेण कज्जं ति ॥ ५४२४ आएसो त्ति भणित्ता गच्छइ सो सत्थ मज्झभायठिओ | अक्खंडपयाणेहिं पत्तो सत्थो अडइमज्झे ॥ ५४२५ ॥ बहुपत्तसाहिसाहासहस्ससंरुद्धरविकरप्पसरं ।
उच्छलिय-तरच्छ-मयच्छ-भल्ल - भल्लुंकिदुग्गं जं ॥ ५४२६ ॥ हरिकरयलं व जं वराईयं वरसरं सुकंठं व । विलसिरनयपत्तजुयं विरायपरायनयरं व्व ॥ ५४२७ ॥ तं मज्झं गच्छंतो सुलहिंधण - जव- सजलजुए ठाणे । आवासइ सत्थाहो, भोयणवेलाए जायाए ॥ ५४२८ ॥ खंडण - रंधण-भोयण - करणलग्गे समग्गसत्थम्मि । सहस त्ति पुलिंदाणं, धाडी पडिया चडयरेण ॥ ५४२९ ॥ जा सरभरकिरणपरा सबरा पसरंति सत्थभडसमुहा ।
ता नरनारी नियरो, सत्था पलायए भइरो || ५४३० || किं कायव्व विमूढे, नट्ठभडे एक्कगम्मि सत्थाहे । इंटिज्जते सत्थे, नाहलनियरेण सव्वत्तो ॥ ५४३१ ॥ तो झत्ति मग्गधूली, अभिमंतेउं वसंतदेवेण । सत्यं लुंटंताणं, खित्ता समुहा पुलिंदाणं ॥ ५४३२ ॥ तम्मंतपभावेणं, सव्वे वि य थंभिया सबर - सुहडा । अचलंगा संजाया, पुत्थविणिम्मविय देह व्व ॥ ५४३३ || बाहरिउं सव्वं पि हु, सत्थजणं भणइ निय-नियं दव्वं । परियाणिऊण गिण्हह, थंभियभिल्लस्सयासाओ || ५४३४ ॥
Jain Education International
For Private & Personal Use Only
४२३
www.jainelibrary.org
