________________
૪રર
सिरिअणंतजिणचरियं दूरम्मि वच्छ ! एसा बज्झसरूवा अणत्थपत्थारी । नियदेहस्स वि विसए विस्सासा नो विहेयव्वो ॥ ५४०९ ॥ जं एसो वि विणस्सइ, अच्चंतपहस्समुत्थदोसेण । अइमत्ताहारेण य वि णिद्दयाईहिं दोसेहिं ॥ ५४१० ॥ गच्छेज्ज वच्छ ! पच्छा पुरओ वामापहम्मि सत्थस्स। जेणोभयत्थविभओ, तक्कर-सावयभयो भवइ ॥ ५४११ ॥ ता गंतव्वं तुमए जाय ! सया अप्पमत्तचित्तेण । होइ न जहोवहासो, जसो य जह दूरमुल्लसइ ॥ ५४१२ ॥ अवरं च मुंच बहुयं, इहेव जं दुग्गमग्गलग्गेण । विसमम्मि समावडियम्मि, होइ पयबंधणं महिला ॥ ५४१३ ॥ अप्पाणयं सुरक्खं, जायइ पुरिसस्स तविहीणस्स । समयाणुवत्तणं अवसरमाणस्स सहस त्ति ॥ ५४१४ ॥ तं सोउं सा कुविया, पयंपिउं कक्कससमारद्धा । रोसावेसवसाणं कत्तो महुरा समुल्लावा ? ॥ ५४१५ ॥ आपावे ! दुस्सीले ! दुढे ! घरहंजिए ! अणज्जे तं । कुव्वंती महवल्लहविच्छोहं तं लहेज्ज सयं ॥ ५४१६ ॥ दुस्सीलत्तस्सवणेण दूमिया सासुया अईव मणे । तप्पच्चईयं तिव्वं बहुयाए वि अज्जियं पावं ॥ ५४१७ ॥ सा सासुयाए भणिया जइ वच्छे ! जुत्तमवि पउन्ना तं । रूससि ता सममेव य मह तप्पएणं कुणसु गमणं ॥ ५४१८ ॥ सव्वो वि जणो जाणइ, दुव्वयणाई पयंपियं किंतु । नियतणयप्पत्थाणे करेमि कह कलहअवसउणं ॥ ५४१९ ॥ जेसिं दुहलेसम्मि वि सुराणमोवाईयाई दिज्जति । किज्जंति कहमसउणा तेसिं पुत्ताण पत्थाणे ॥ ५४२० ॥ इय जंपिय दहियक्खय-दुव्वा-दल-मंगलाई काऊण । सासीवायं पुत्तो, धणज्जणे तीएऽणुन्नाओ ॥ ५४२१ ॥
Jain Education International
For Private & Personal Use Only
www.jainelibrary.org
