________________
४२१
तवोवरिचंदकंतकहाणयं संजायं अइदुसहं दोण्ह वि वंकावलोईयंताण । अहवा वंका सुहया न हुंति कईया वि कस्सावि ॥ ५३९६ ॥ उव्वेओ उम्माओ रणरणओ ताण से वया जाया । अच्चतमणिट्ठाण वि अवयासो होइ कईया वि ॥ ५३९७ ॥ . नाउं सहीसयासा वसंतराओ वसंतदेवम्मि । अणुरत्तं देइ सुयं घडणा इट्ठाण वा जुत्ता ॥ ५३९८ ॥ पोढाणुराइणी सा परिणीया तेण घणसिमेहेण । नावरमवि लब्भंतं मुच्चं किं पुण पियं कंतं ॥ ५३९९ ॥ तीए सह विविहविसयप्पसत्तचित्तस्स तस्स वच्चति । नवनेहरसपरव्वसमणस्स दिवसा मुहुत्तं व ॥ ५४०० ॥ ईसरसुय त्ति पइवल्लह त्ति रूवस्सिणि त्ति बहुमए । विणयपराए वि ईसीसि सासुया वहइ विद्देसं ॥ ५४०१ ॥ निय जणयाएसेणं गहिऊण कयाणयाई कइया वि । सत्थेण समं चलिओ, वसंतदेवो वणिज्जेण ॥ ५४०२ ॥ पउणीहूया बहुया वि भत्तुणा सह विएसगमणत्थं । तो पुत्तो संलत्तो जणणीए पवाससमयम्मि ॥ ५४०३ ॥ विसमो वच्छ ! विएसो दुग्गो मग्गो ससावया अडवी । सुहिणो वि सकज्जरया, धाडीओ पडंति सबराण ॥ ५४०४ ॥ सत्थियनरा वि कुव्वंति चोरियं धुत्तयंति धुत्तनरा । पासंडिणो वि लुद्धा मुद्धजणं विप्पयारंति ॥ ५४०५ ॥ अवलोयंति निवा वि हु, छिड्डाई सुकचोरियाईणि । गहिऊण धणं भिच्चा वि नासिउं जंति सहस त्ति ॥ ५४०६ ॥ सयणा वि हुति रिउणो अपुन्नमणवंछिया खणद्धे वि । कित्तिमकयाणुराया वेसाओ वि लिंति सव्वस्सं ॥ ५४०७ ॥ अक्खिविउं जूएणं जूययरा निधणं कुणंति नरं । वयणच्छलेण मारंति साइणी-भूय-वेयाला ॥ ५४०८ ॥
Jain Education International
For Private & Personal Use Only
www.jainelibrary.org
