________________
४२०
सिरिअणंतजिणचरियं तीए वसंतसेणाभिहा सुया अस्थि हत्थिकुंभथणी । . सेणा विव सुहयगया सयत्थ जुत्तो ससुर-हसिया ॥ ५३८३ ॥ नवजोव्वणपक्खोहियजुवाणजगमाणसा सहसहीहिं । कीलंती सच्चविया, वसंतदेवेण उज्जाणे ॥ ५३८४ ॥ तं दठूण रईए वि, नियरूवुप्पाइया रईकन्नं ।। कन्नताइड्ढियकामबाणलक्खम्मि पत्तो सो ॥ ५३८५ ॥ चिंतइ धन्नो सो च्चिय, वररूवा जस्सेसा पिया होही । कप्पलयाए किमन्नोऽलंकिज्जइ मंदरं मुत्तुं ॥ ५३८६ ॥ जो पुव्वजम्मनिम्मवियगुरुतवो तस्सिमा पिया होही । अहवा नन्नो नाहो रवि विणा होइ नलिणीए ॥ ५३८७ ॥ तीए वि बालाए पकीलिरीए सो वि हु वयस्स विसरजुओ । सच्चविओ रइरमणी, रहियतणू कुसुम-बाणो व्व ॥ ५३८८ ॥ नयणनिमेसुम्मेसा विरया तइंसणेण बालाए । तइंसणंतरायं व मन्निउं तीए सुकव्वं ॥ ५३८९ ॥ चिंतइ किमिमो अमरो अह व न सो ते जओ अणिमिसच्छा । एसो उ निमेसुम्मेसअच्छिविच्छोहसच्छाओ ॥ ५३९० ॥ स च्चिय सलाहणिज्जा उल्लसिरपयोहरा अणिमिसच्छी । जा पयस्सुच्छंगरमिही गंगजल व्व हिमसेले ॥ ५३९१ ॥ सा उज्जलगुणकलियासु मणोहरमालिणीसुवन्ना य । विब्भमरसियामाल व्व कंठामयस्स जा लहिही ॥ ५३९२ ॥ सो अवियन्हो तं नियइ सा वि तं पेच्छए स तण्हच्छी । लज्जादसणविग्घो त्ति तेहिं ता नज्जेउमिव मुक्का || ५३९३ ॥ अन्नोन्ननेहनिद्धच्छिपेच्छणुप्पन्नपरमहरिसमणे । जाया महई वेला ताण समुल्लसिय मयणेण ॥ ५३९४ ॥ महई वेलं ठाउं, सवयंससहीयणोवराहेण । चलियच्छिपेच्छिराई दुन्नि वि चलियाई सगिहेसु ॥ ५३९५ ॥
Jain Education International
For Private & Personal Use Only
www.jainelibrary.org
