________________
तवोवरिचंदकंतकहाणयं
ईय तुम्ह साहु - सावय- धम्मो सिव- साहओ समक्खाओ । सव्वायरेणमायरह, जत्थ इच्छा तयं तुब्भे ॥ ५३७० ॥ गुरुणो खीरोयहिणो व्व पात्रिउं देसणं सुहं व सुहं । पत्ता भव्वा विबुह व्व सव्वदुक्खावहारखमं ।। ५३७१ ।। ता केहिं वि पव्वज्जा गहिया अवरेहिं देसविरइं वि । अन्नेहिं पुणो सम्मत्तमुत्तमं भव्वसत्तेहिं ॥ ५३७२ ॥ कल्लाणपुंजपुहईवइणा, पणमिद पहू इमं भणिओ ।
भणिओ गिहिस्समहं दिक्खं पहु ! पुत्तं ठविय रज्जम्मि ॥ ५३७३ ॥ तो चंदकंतमंडलवई वि, पिइ - माइ- पणइणीसहिओ । वयगहणलालसो नमिय केवलिं पुच्छए एयं ॥ ५३७४ ।। पहु ! निम्मलसीलाए वि बहुयाए सासुयाए अइदुसहे । दुस्सीलया कलंको दिन्नो किं कारणं कहह ? || ५३७५ ॥ तो केवलिणा भणियं सुहमसुहं वा जमज्जियं जेण । पावइ जीवो सो तं ता सुणसु कलंकहेउं तं ॥ ५३७६ ॥ इह अत्थि अस्थिजणदिन्नदाणसंपत्तजसजणट्ठाणं ।
गामो विद्दुमरम्मो सिंधु व्व वसंतसोहो वि ॥ ५३७७ ॥ तत्थावसइ वसंतो नामेण वरुत्तरो धणि व्व धणी । एगपविसक्कं पि हु जो हसइ पवित्तया वासो ॥ ५३७८ ॥ तस्सत्थि वसंतसिरी नामेण पिया वसंतलच्छि व्व । सुमणों विलसिरवच्छा, कलकंठविरायमाणा य ॥ ५३७९ ॥ ता णत्थि हत्थि हत्थत्थोरभुओ विस्सओ भुवणगब्भो । पुत्तो वसंतदेवो., वियसंतनओ वसंतो व्व ॥ ५३८० ॥ निवसइ तत्थ वि य वसंतरायनामो अरन्नदेसो व्व । विरायमओ गुरुचित्तो हरिसहिओ सुहसरो य धणी ॥ ५३८१ ॥ संज्झ व्व तंबिरनहा, वरचरणा साहुणि व्व से जाया । जाया वसंतलच्छी, हंसगई पाउसठि व्व ॥ ५३८२ ॥
Jain Education International
४१९
For Private & Personal Use Only
www.jainelibrary.org
