________________
४१७
तवोवरिचंदकंतकहाणयं एगे परपेसत्तं कुणंति अन्ने उ अवरपहुसेवं । अन्ने पुणो कुकम्मादुहाई. पावंति जा जीवं ॥ ५३४४ ॥ केसि पि पिय-विओगो अन्नेसिमणिठ्ठलोयसंजोगो । केसि पि लच्छिभंगो, अन्नाणं पुणो महारोगो ॥ ५३४५ ॥ सोक्खं न ईसराण वि निवगोत्तिय-चोर-चरडचक्केण । लुटिज्जंता ण सया धणरक्खा बद्धलक्खाण ॥ ५३४६ ॥ कस्स वि अविस्ससंता सयं पि कम्मयरसमुचियं कम्मं । कुव्वंति निसिनिसीहे, वणनिक्खणणुक्खणणपमुहं ॥ ५३४७ ।। वित्थारिय रिद्धीण वि समत्थिसोक्खं नरेसराण वि नो । अवरावररज्जसिरी, संगहलोहट्टचित्ताण ॥ ५३४८ ॥ को वि अभज्जो ति दुही अवरो असुओ त्ति निद्धणो त्ति परो । अवरो नियपरिभूओ त्ति को विमुक्खो त्ति पाएण || ५३४९ ॥ एवं मणुयगईए वि न सुहं जे पुण विवेइणो जीवा । वत्थुस्सरूवपरिभावणेण कुव्वंति ते धम्मं ॥ ५३५० ॥ तव-नियम-व्वय-निरया सामन्नपरा विइन्नदाणा य । अन्नाणकढिणो वि य जीवा वच्चंति परलोयं ॥ ५३५१ ॥ अच्छराणुरत्तामरा परपहुत्तस्स दूरमसहंता । ईसा-विसायविहुरयमसच्चं भजति तत्था वि ॥ ५३५२ ॥ मोढामरं नियंतं नियं पियं साणुरायनयणेहिं । निग्गहिओ असमत्था रोसहुयासेण डझंति ॥ ५३५३ ॥ अकुणंतो हरिआणं ताडिज्जति य पविप्पहारेण । . विसहति महा तावं छम्मासे जलणपडिय व्व ॥ ५३५४ ॥ सुरसामिणो वि न सुहं, समत्थि जं पणय-कुवियकंताए । भावज्जणं कुणंतो, विसहइ अवमाणणं बहुसो ॥ ५३५५ ॥ जण-चवण-जम्म-दिक्खा-केवल-निव्वाण-ऊसवेसु सुरा । उवओगं गच्छंति तेण ते सलहणिज्जंति ॥ ५३५६ ॥
Jain Education International
For Private & Personal Use Only
www.jainelibrary.org
