________________
तवोवरिचंदकंतकहाणयं
भणियं च तुज्झ तणयं, रज्जं जं पुत्त ! पुत्तओ तुह जो । सो मह रज्जस्सामी होही इह नत्थि संदेहो ।। ५२९२ ।। चंदजसेत्तं देवसंतियं सव्वमवि जओ देवो ।
अन्नायस्स वि वियरइ, रज्जसिरिं मज्झ तणयस्स ॥ ५२९३ ।। केत्तियमेत्ताई वि वासराई तत्थच्छिउं निवाणाए ।
सो चंदकंतमंडलवई सजणओ गओ सपुरिं ॥ ५२९४ ॥ कइयादि चंदमंडलसुहसिविणयसूइयं सुयं देवी । चंदावली पसूया लग्गे सत्तग्गहबलम्म ॥ ५२९५ ॥ विहियं वद्धावणयं विलसंतविलासिणी, विहियनटं । पविसिरअक्खयपत्तं, परिवज्जिरमंजुलाउज्जं ॥ ५२९६ ॥ पूरऊण जिणिंदे, सयणे सम्माणिउं महियमित् । पुत्तस्स कयं नामं, पिओ पिउणा चंदसेणो त्ति ।। ५२९७ ॥ अणुदिणमवि परिवद्धिउमारो सुनयनिवजसेण समं ।
परिपाढिओ य पिउणा, सयलं पि कलाकलावं सो ॥ ५२९८ ॥ तो संपत्तो हंकारमंदिरं, विक्कमुक्करिसट्ठाणं ।
सव्वंगजायसोहं, कुमरो तारुन्नमइरम्मं ॥ ५२९९ ॥ कल्लाणपुरे कईया, वि मंडलेसरस्स चंदकंतस्स ।
पिइ - माइ - पिया - सुयसंगयस्स वच्चंति दिवसाई ।। ५३०० ।। अह अन्नया य दुंदुहि - निनायमायन्निरं भणइ राया । पडिहार ! कत्थ दिव्वो दुंदुहीसद्दो त्ति मह कहसु ॥ ५३०१ ॥ नाउं विन्नत्तं तेण देव ! इह मयणमहणमुणिवइणो ।
कुव्वंति महिमममरा उप्पन्न अणंतनाणस्स ॥ ५३०२ ॥ तं सोऊणं कल्लाणपुंजरायाह चंदकंताई ।
मंडलियमंतिणो चलह केवलिक्कमनमई करिमो || ५३०३ ॥ आएसो त्ति भणित्ता झड त्ति सव्वे वि पउणया होउं । गुरुरिद्धिवित्थरेणं सयसयप्पासायमणुपत्ता ॥ ५३०४ ॥
Jain Education International
For Private & Personal Use Only
४१३
www.jainelibrary.org
