________________
४१२
सिरिअणंतजिणचरियं
कल्लाणपुंजरन्ना, जं तं मंडलवइं कओ वच्छ ! ।
सो संचक्कारु च्चिय, तुह तणयं भविस्सरजस्स ।। ५२७९ ॥ ता पुव्वजम्मनिम्मवियरम्मसद्धम्मकम्मफलमेयं ।
विप्फुरियं धणिणो वि हु, जं तुह रज्जस्सिरी जाया ।। ५२८० ।। तेत्तं ताय ! तुह प्पसायओ सव्वमेव मह एयं ।
जं तरुणो नामेणेव अग्घए फलभरो भुवणे ।। ५२८१ ॥ इय अन्नोन्नपसंसापरायणा दिणदुग-तिगं तत्थ |
ठाउं मंडलनाहेण, पणमिउं इय पिया वृत्तो ॥ ५२८२ ॥ देसे दविडे कंचीपुरीए नियरज्जलच्छिविच्छ्डुं । उवभुंजसु ताय ! जओ रज्जे पत्ते किमवरेण ? ॥ ५२८३ ॥ अज्जिज्जइ इय खणं, ता ताय ! न जाव लब्भए रज्जं । ता कंजिएण भुज्जइ, पाविज्जइ जा न पीऊसं ॥ ५२८४ ॥ इय जंपिय नियनिसेससयणसुहिसंगओ पिया नीओ ।
नियरज्जे सा लच्छी, भोज्जा जा होइ सयणाण ।। ५२८५ ॥ काराविओ पवेसो, महरिहरिद्धीए नियपुरीए से ।
ईयरो वि गोरविज्जइ, आणीओ किं पुणो जणओ ॥ ५२८६ ॥ अत्थाणे उववेसिय, अप्पर सव्वं पि रायलच्छि से ।
अहवा जणणी-जणयाणा भव्वा भवइ पुत्तसिरी ॥ ५२८७ ॥ जणुत्तं पुत्तय ! रज्जमिणं मज्झ तुह पिया जमहं । ता तं चिय परिपालसु अहं तु धम्मं अणुट्ठेमि ॥ ५२८८ ॥ ईय जंपिऊण अम्मापिऊणि तिक्कालमच्चयंति जिणं । वंदणय - पडिक्कमणाइं गुरुसयासम्मि कुव्वंति ॥ ५२८९ ॥ नीईए चंदकंतो वि पालए निययमंडले सत्तं ।
चरडे ताडइ दुट्ठे य दंडए महइ नयवंते ॥ ५२९० ॥ कल्लाणपुरे गंतुं जणओ, कल्लाणपुंजनरवइणो ।
अभिदंसिओ तओ सो, तेण वि सम्माणिओ दूरं ।। ५२९१ ॥
For Private & Personal Use Only
Jain Education International
www.jainelibrary.org
