________________
पढमपत्थावो
।
( पउमरहरण्णो मुणिवंदणत्थं नीहरणं) तो रयणाभरणालंकियम्मि गिरिगुरुकरेणुरायम्मि । आरूढो परिविलसिरसिंगारविरायमाणतणू ॥ १६७ ॥ सिरिछत्तअंतलंबंतमोत्तियोऊलजुण्हपसरेण । गुरुवंदणचलणुसूयभूरिपुत्तेण वाणुगओ ॥ १६८ ॥ धवलिज्जतो रमणीकरसियचलचमरकंतिपसरेण । निम्मलनयनिव्वत्तियससिकरसियजस भरेणेव ।। १६९ ।। गंडयलगलिरमयसलिलगयघडारूढरायकयवेढो । वग्गरउत्तुंगतुरंगसंगिमंडलियमंडलिओ ॥ १७० ॥ चलिरद्वयालिखलहलिर-घरघरारणिरकिंकिणि - रहेहिं सामंतजुएहिं जुओ चक्कारयकणिरकंसीहिं ॥ १७९ ॥ बहुभेयपहरणग्गहणवग्गपाइक्कचक्कलल्लक्को । सहिओ सुहासणासीणवत्थपच्छाइयपियाहिं ॥ समकालचारुचारणचक्कुच्चारियथुईहिं थुव्वंतो । नहयलमलंकरंतो चलचिंधालंबछत्तेहिं ॥ १७३ ॥ वज्जंतमंगलाउज्जमंजुसरपसरपूरियदियंतो । सिरिपउमरहनरिंदो नीहरिओ सूरिनमणत्थं ॥ १७४ ॥ पत्थिज्जंतो पुरितिय - चउक्क - चच्चरठियाहिं रमणीहिं । गुरुरिद्धिवित्थरेणं पत्तो कलकोइलज्जाणे ॥ १७५ ॥ सरलसियमुभयहा वि हु दुहा वि सव्वाइनयविहियसोहं । विलसिरसोहं जणसंकुलं व जं सव्वओ सहइ || १७६ ।। रंभासोय - तमालप्पबुद्धसयवत्तहसियवन्नेहिं । चउवन्नपुरिं जेउं व पंचवन्ने जमुव्वहइ ॥ १७७ ॥ तम्मि विसंतो पेच्छइ सूरिं तवतेयदित्तसाहूहिं । सत्तरिसीहिं परिगयं गहियव्वयममरनाहं व्व ॥ १७८ ॥
१७२ ॥
Jain Education International
For Private & Personal Use Only
१५
www.jainelibrary.org
