________________
सिरिअणंतजिणचरियं
सामंत-मंडलेसर-सेणावइ-मंतिपुत्तपरियरिओ । चउरंगबलो दूएण सह सुओ पेसिओ रन्ना ॥ १५५ ॥ सुहमुहुत्ते संचलिओ कुमरो नमिऊण देवगुरुचरणे । कज्जमवरं पि कीरइ धम्माइं किं न मंगल्लं ? ॥ १५६ ॥ कइया वि रुइरमाणिक्कमणिमयाभरणरइयसिंगारो । राया रयणसिहासणकयट्ठिई चिट्ठए जाव || १५७ ॥ ता रयणखंडमंडियपिसंडिमयदंडरायमाणकरो । पविसेउं पडिहारो पणमिय विन्नवइ अवणिवइं ॥ १५८ ॥ देव ! दुवारे उज्जाणपालओ कुसुमपरिमलो नाम वंछइ पहुपयदंसणमेस्थत्थे देह मह आणं ॥ १५९ ॥ रायाह सिग्घमेव य मुंचसु तं तयणु तेण मुक्को सो । पविसिय सहाए निवई नमिउं विन्नवइ विणयपरो ॥ १६० ॥ (चित्तरक्खसूरिआगमणं) देव ! कलकोइलम्मि उज्जाणे अज्ज वज्जियावज्जो । नामेण चित्तरक्खो सूरी पत्तो सपरिवारो ॥ १६१ ॥ . पयरिक्कज्झाणठिओ वि जो सयायरियलोयकायव्वो । वज्जियविसयग्गामो कयविसयग्गामगमणो वि ॥ १६२ ॥ दाहिणपासा वामं चालंतो गुरुनईए रयहरणं । ढालइ जो चमरं पि व हिययट्ठियवीयरायस्स ॥ १६३ ॥ सहइ करकमलकलिया अनिलचला जस्स धवलमुहपोत्ती । भुवणेक्कवीररइवइविजय(महा)जयपडाय व्व ॥ १६४ ॥ ता तस्स दंसणं पहु ! इह परभवसव्वसोक्खसंजणणं । एयत्थे विन्नत्तं तस्साऽऽगमणं मए पहुणो ॥ १६५ ॥ तं सोऊण निवेणं पहरिसरोमंचअंचियंगेण ।। वत्थाऽऽभरण-धणाई दिन्नाइं पीइदाणे से ॥ १६६ ॥
Jain Education International
For Private & Personal Use Only
www.jainelibrary.org
