________________
४१०
सिरिअणंतजिणचरियं इय जंपंतो उत्तरियहत्थिणो सेट्ठिणो गओ पासं । भयवसपक्खलियक्खरमनओ अनओ त्ति भणिरस्स ॥ ५२५३ ॥ किं ताय ! तुमं बीहसि, तुह तणओ चंदकंतनामो हं । बहुदिणविओयविहुरो, नमामि ईय भणिय तं नमइ ॥ ५२५४ ॥ निउणनिरूवणविन्नायनियसुओ वाहपवहवहभयणो । जंपइ किं जायइ इमं जुत्तं जं मं गओ मुत्तुं ॥ ५२५५ ॥ इय भणिरेणं उक्खिविय, गाढमालिंगिउं सुयं सेट्ठी । धरइ चिरं मा पुणरवि गच्छउ इण्हि ति कलिउं व ॥ ५२५६ ॥ संसुमुहिं सायरमवि पणमइ, पयकमलमिलियभालयलो ।
काउं व तदेगत्तं, गाढं तीए वि परिस्सत्तो || ५२५७ ॥ . एत्थंतरम्मि बहुया, सुवत्थविरइयविसालनीरंगी । सक्काभरणपहाहिं, भुवणं विज्जूहिं व भरंती ॥ ५२५८ ॥ सुरहि-विलेवण-परिमल-मिलंत-भमर-उल-रुणझुण-रवेण । गाइज्जति व्व पइव्वत्तपसरंतगुरुगव्वं ॥ ५२५९ ॥ चंकमणचलक्कमरणझणंतमंजीरमग्गलग्गेण । हंसउलेणं निम्मलसीलेण व अणुसरिज्जंती ॥ ५२६० ॥ सिंगारियचेडीचक्कवालचाडुवयणवारणक्खणिया ।। आगंतुं महितलियभालं पणमइ ससुरयस्स ॥ ५२६१ ॥ (कुलय) वच्छे ! सव्वुत्तमपुत्तपसविणी होसु इय सुयतयासी । नियभालं चुंबिचरणं, पणया सा सासुयाए वि ॥ ५२६२ ॥ भणियं च तीए तुह पुत्ति ! दिन्नदुस्सहकलंकपावेण । मह फलियमिह भवे च्चिय सुयनिग्गमदुसहदुक्खेहिं ॥ ५२६३ ॥ जं पुण तुह अकलंकं शीलं तस्सप्पभावओ पुत्ति ! । भत्ता मिलिओ जाया य उत्तमा रज्जरिद्धी ते ॥ ५२६४ ॥ निम्मलसीला वि तुमं, जं पुत्ति ! कलंकिया मए आसि । तं मह खमसु महासइसईण पढमो च्चिय वि हु सा ॥ ५२६५ ॥
Jain Education International
For Private & Personal Use Only
www.jainelibrary.org
