________________
४०९
तवोवरिचंदकंतकहाणयं. सुपसत्थ-तिहि-मुहुत्ते सेणासंभारसंगओ चलिओ । अन्नो वि न निग्गच्छइ, गिहाओ कुदिणे किमु नरिंदो ? || ५२४० ॥ अणुवासरप्पयाणयपवित्तिसंपत्तदविडनियदेसे । पविसइ कंतीए पुरीए, रईयवरहट्टसोहाए ॥ ५२४१ ॥ कइवयदिणेहिं देसं, संठविउं माणए नरिंदसिरिं । मलयद्दि-चंदणदुम-रम्मारामेसु रममाणो ॥ ५२४२ ॥ चलिओ चंदपुरि पि पियाजुओ जणणि-जणयमिलणत्थं । पत्तो य कमा तन्नयरिपरिसरे देइ आवासं ॥ ५२४३ ॥ तो इंदविइन्नाभरण-वत्थविरईयविराइसिंगारो । गिरिगरुयगंधसिंधुरबंधुरखंधे समारूढो || ५२४४ ॥ वीइज्जतो चमरेहिं कणिरकंकणकराहिं रमणीहिं । मुत्तावचूलविलसंतछत्तअंतरियरवि-तावो ॥ ५२४५ ॥ गय-तुरय-रहसमारूढपोढसामंतरईयपरिवारो । छत्तच्छाईयमणिमयसुहासणट्ठियपियाजुत्तो ॥ ५२४६ ॥ मुहुरस्सरमागहबंदिविंद-उग्गीयगुरुगुणक्करिसो । वज्जिरढक्कालुक्का, तं चक्कनिनायजायजसो ॥ ५२४७ ॥ विवणिस्सेणी मज्झेणमागओ मंदिरम्मि जणयस्स । तो सो तं दटुं, उट्ठए लहुं संभमुन्भंतो || ५२४८ ॥ रईयकरकमलकोसो कंपंतो भणइ वणिगिहं एयं । तुम्हाण देवठाणं, रायगिहे नेव वणिभवणे ॥ ५२४९ ॥ गयचडिएणं पहुणा भणियं आवासमिह करिस्सामि । तं सोउमाह सेट्ठी देव ! इमं मंदिरं मज्झ ॥ ५२५० ॥ आवाससमुचियाई, पहूण रुंदाई रायभवणाई । आह पहू संकिन्ने, तुह घरे उत्तरिस्सामि ॥ ५२५१ ॥ रुट्ठासिरमज्झेण वि कुव्वंति पहुं निव्वत्ति तेणुत्तं । आह पहू तं चिय मं धरसि इहन्नत्थ गच्छंतं ॥ ५२५२ ॥
Jain Education International
For Private & Personal Use Only
www.jainelibrary.org
