________________
४०४
कल्लाणपुरे कल्लाणपुंजनरनाहमंदिरे वसइ । पडिवन्ना पुत्तित्तेण राइणा कुणइ सद्धम्मं ॥ ५१७५ ॥ पुत्तो य तीए रन्ना रन्ने पत्तो जहा तहा सव्वं । निग्गमणप्पमुहं से भज्जाचरियं समक्खायं ॥ ५१७६ ॥ सुयनिरुयससुयसद्धम्मनिरयनियपिययमसमसमायारो । सो अमयसित्तमुत्ति व्व सुहरसुक्करिसमणुपत्तो ॥ ५१७७ ॥ भणिओ सुरवइणा गच्छ वच्छ ! नियपिययमाए पासम्म । आरुहिय मणिविमाणे सद्धिं मह अमरजुयलेण ।। ५१७८ ।। तं सोउं सो जंपर पहु ! मज्झ समत्थ तुह समासो । नवरमरन्ने किमिमं जिणभवणं ? कहह मह पहुणो ।। ५९७९ ।। सक्को जंपइ जईया आसी पउमप्पहो पहू भयवं । उप्पन्नविमलकेवलनाणो वसुहाए विहरतो ।। ५१८० ॥ नवकणयकमलगमणो चलिओ सत्तुंजयम्मि गिरिराए । इह पत्तो तं दठ्ठे, पडिबुद्धो केसरिकिसोरो ॥ ५१८१ ॥ पहुपयपणामपुव्वं सविहियाणसणो समाहिणा मरिउं । भासुरसरीरधारी, जाओ अमरो सहस्सारे ॥ ५१८२ ॥ दट्ठूण मणिविमाणप्पमुहअच्चब्भुयं अमररिद्धिं । किं पुव्वभवम्मि मए, तवाइविहियं ति चिंते ।। ५९८३ ॥ तो ओहिनाणनयणेण नियइ नियपुव्वभवभवं सीहं । प्रहुपउमप्पहपडिबोहविहियअणसणं विगयपाणं ।। ५९८४ ॥ ता सुक्कसमासुरलोयसंपया जप्पहुप्पभावेण ।
सिरिअणंतजिणचरियं
पसुणो वि मज्झ जाया नमामि सामिं तमिन्हिं पि ॥ ५१८५ ।। तह वि सुरलोयकिच्चं, सासयजिणभवणपूयणाईयं ।
पढमं चिय कायव्वं ति कुणइ ते भत्तिसंजुत्तो ॥ ५१८६ | काऊण तयं कमसो तियसो विमलगिरिसिरे पत्तो ।
पुव्वं पि समोसरियं तं पिच्छइ तिहुयणेक्कपहुं ॥ ५१८७ ॥
Jain Education International
For Private & Personal Use Only
www.jainelibrary.org
