________________
४०२
सिरिअणंतजिणचरियं अमरअमरंगणागण-उच्चारिय-चारु-चाडु-थुइवाओ । जय जय जय त्ति भमिरो, जिणभवणमंतरे पत्तो ॥ ५१४९ ॥ अवलोईय सक्कसिरिं, सविम्हओ चंदकंत-सेट्ठि-सुओ । पविसियपउमुप्पलरयसुयंधसरसीजले न्हाओ ॥ ५१५० ॥ तो सुरहिकमलकेरवसहस्सपत्ताई गहिय जिणभवणे । पत्तो पेच्छइ पउमप्पहं, पहुं से णे तणुलच्छि ॥ ५१५१ ॥ उवविढे जिणचंदं वंदिय इंदे सदेवविंदम्मि । जय जय जय त्ति जंपिय, पविसइ सनिसीहीयं काउं ॥ ५१५२ ॥ सिय-उत्तरीय-विरईय-मुहकोसो पूईऊण जिणनाहं । उचियट्ठाणे ठाउं, वंदिय तं थोउमारद्धो ॥ ५१५३ ॥ महिमिलियमउलिपणमणमणोहरं पाणिकमलकयकोसो । पहु पउमप्पह ! काहं. तुहत्थयं मंदबुद्धी वि ॥ ५१५४ ॥ अविरय-नमिरामररायसोणं सिरि-रयण-किरण-कलिओ व्व । उव्वहसि पहु ! तुमं अत्तणो तणुं अतणुरायघरं ॥ ५१५५ ॥ विहिवेगडिय विणिम्मिय-परिकम्मण-पउमराय-रइयं च । धरसि महारायसिरिं, नियदेहसमस्सियं सामि ! ॥ ५१५६ ॥ . आजम्मरम्मकुंकमघणंगरायप्पभिन्नमुत्ति व्व ।। रेहसि तं रत्तुप्पलदलावलीसच्छहच्छाओ ॥ ५१५७ ॥ मुत्तेण व भुवणत्तयभवभव्वजणाणुरायपसरेण । तं सव्वंगालिंगणउप्पन्ना रत्तवन्नो व्व ॥ ५१५८ ॥ कमलग्गाए विमुक्काए रायलच्छीए रोस-रत्तेहिं ।। नयणावलोईएहिं व, संचलिओ तं ठिओ रत्तो ॥ ५१५९ ॥ कयसेवेण वि आभवमिमिणा चत्तो वएहिं नाहमिमं । इय चिंतिय भत्तेण व राएण तुमं समुवगूढो || ५१६० ॥ इय रायघरंगं पि हु घोडं पउमप्पहं विगयरायं । मन्नेमि चंदपहु ! नयसिद्धिवहूकंतमत्ताणं ॥ ५१६१ ॥
Jain Education International
For Private & Personal Use Only
www.jainelibrary.org
