________________
४०१
तवोवरिचंदकंतकहाणयं सामलयमुभयहा वि हु दुहा विसालं दुहा सुगयविहयं । सबरालयं दुहा वि हु जं वियसियनयनुभयहा वि ॥ ५१३६ ॥ तम्मज्झे भक्खंतो, गच्छइ दुक्खाइ-साउ-फलनिवहं । अनिलाहयनिज्झर-सिसिरवारिपूरं पियंतो व्व ॥ ५१३७ ॥ तस्संतो पेच्छइ सियवियासिकुसुमुक्करा वरियपत्तं । वणसंडं रविदुपावसदुग्गठ्ठियचंदजोन्हं व ॥ ५१३८ ॥ तम्मज्झे मुत्तासेल-मणिसिलासहसनिम्मियं नियइ । हिमसेलं पिव वेयड्ढसिहरमिव रुंदजिणभवणं ॥ ५१३९ ॥ जम्मि पणवन्नमणितोरणाई रेहति चउदिसिकयाइं । सुरवइधणुविंदाई व विलसिरसरयब्भसिहरम्मि ॥ ५१४० ॥ जं फुरियपहा रयणकणयकलससंदोहसोहिउं व तं । बहुअब्भयसिहरग्गुलसंततडिपुंजकलियं व ॥ ५१४१ ॥ उरसिहरपरंपरपवणतरलसेयद्धयावलीकलियं ।। जं दिसि-दिसिपरिपसरंतकंतबहुतरबलायं व ॥ ५१४२ ॥ जत्तो दिसासु दूरं सेओ किरणुक्करो परिप्फुरइ । सलिलतुसारा सारो व्व पवणपसरेण हीरंतो ॥ ५१४३ ॥ सरयब्भविब्भमधरे जा पत्तो तम्मि ताव गयणयलं । अप्पुन्नं पणवन्नप्पहभरधरमणिविमाणेहिं ॥ ५१४४ ॥ पत्ताई ताई रणज्झणिरकणयमणिकिंकिणीकलावाइं । अनिल-चलद्धय-रवुलहलिर-घग्घरावलिविलासाई ॥ ५१४५ ॥ तम्मज्झाओ बहुसूरकरदूरालोयमुत्तिणो अमरा । नीहरिया घण-रयणाभरणालंकरियसव्वंगा ॥ ५१४६ ॥ तं मज्झे पुन्नभरेक्कपत्तमुत्तमपहत्तपत्तजसो । मुत्तावचूलविलसंतछत्तअंतरियरवितावो ॥ ५१४७ ॥ निस्सीमरूवसुरसंदरीकरुद्धुव्वमाणचमरचओ । सहस त्ति सहसनेत्तो उत्तिन्नो मणिविमाणाओ ॥ ५१४८ ॥
Jain Education International
For Private & Personal Use Only
www.jainelibrary.org
