________________
३९६
न
समूहेण धणं, ९ पाय-सुसरणा सरि
सिरिअणंतजिणचरियं . अनुदिनमभ्यासदृढैः सोढुं शक्येत दीर्घजो विरहः । प्रत्यासन्नसमागममुहूर्त्तविरहसुदुर्विषः ॥ ५०७१ ॥ चडिऊण वेडियाए आरूढो पवहणे सुएण नओ ।
आलिंगिओ य पुत्तो, पिउणा असमस्सिणेहेण ॥ ५०७२ ।। जंपइ य पिया तुह जायसव्वया जायमसरिसं कुसलं । सा आह ताय ! तुह पाय-सुसरणा हं सया कुसली ॥ ५०७३ ॥ सगडसमूहेण धणं, उत्तरिय नेइ नियघरे सेट्ठी । न थिरं पि उवेहिज्जइ, किं पुण जं चंचलं वत्थु ॥ ५०७४ ॥ वद्धावणयपुरस्सरमाणीओ मंदिरम्मि नियपुत्तो । गोरवमरिहइ सयणो, परे वि किं पुण धणी तणओ ? || ५०७५ ॥ भमरकरणिं धरंतो, पणमइ जणणीए पायसयवत्तं ।। आसीसदाणपुव्वं, तीए वि परिपुच्छिउ कुसलं ॥ ५०७६ ॥ जंपइ य अंब ! तुह नाम-मंत-सरणावहरियदुरियस्स । मह सव्वया वि कुसलं, कल्लाणकरो गुरुपसाओ || ५०७७ ॥ वद्धावणयप्पविसंतनिस्सरंतीओ निवइरमणीओ । नवरं निउणं पि न सो, पेच्छइ दईयं नियंतो वि ॥ ५०७८ ॥ चिंतई य किं न दईया दीसइ किं सा गया पिइहरम्मि ।। अहवा अपडुसरीरा, सुत्ता भविही गिहस्संतो ? || ५०७९ ॥ . एवं विभावयतस्स, तस्स वामेण अच्छिणा फुरियं । तो सविसाओ चिंतइ, किं पि अकल्लाणमुल्लसिही ॥ ५०८० ॥ इय चिंतंतस्स पिया, अदंसणुप्पन्नमन्नुभावेण । संचक्कारो व्व कओ भविस्स दुस्सहदुहोहस्स ॥ ५०८१ ।। उव्विग्गमाणसेणं कयं असेसं पि भोयणाईयं । संझावसरे जणणी, पइरिक्के पुच्छिया तेण ॥ ५०८२ || किं अंब ! तुम्ह बहुआ न दीसए किं गया पिइहरम्मि । सा आह वच्छ ! पावाए तीए नामं पि हु अगेज्झं ॥ ५०८३ ॥
Jain Education International
For Private & Personal Use Only
www.jainelibrary.org
