________________
३९५
तवोवरिचंदकंतकहा तउणारुप्पयखुरए, पत्तिलदाणेण कंतकणयाई । गुंजाहलेहिं वज्जावलीउ कुवलेहिं कचुराई ॥ ५०५८ ॥ इय बहुकयागयाणं तेण कयविक्कया कया तत्य । समुवज्जिया सवंछा, विच्छेयकरी सिरी पउरा ॥ ५०५९ ॥ सव्वंगीणं गहियं, रयणाभरणदुमं जुवइजोग्गं । पउणक्कयाणयाऊरियम्मि चडिओ पवहणम्मि ॥ ५०६० ॥ चलिओ नियनयरं पड़, पगिट्ठलाहुल्लसंतआणंदो । चिंतइ ममाणुकूलं विही जओ झ त्ति वलिओ हं ॥ ५०६१ ॥ कुसलेण गिहे पत्तो, काऊणं विक्कियं कयाणाणं । जणयाणाए लच्छीए तीए काहं जिणहराई ॥ ५०६२ ॥ जह जोग्गं मुणि-समणी-सुस्सावय-सावियाण वियरिस्सं । सिद्धंत-पुत्थयाई, पउराइं लिहावइस्सामि ॥ ५०६३ ॥ सयणाण सज्जणाण य सुहीणमणवरयमवि पयच्छिस्सं । गुत्तीओ मोयइस्सं घोसाविस्सामि य अमारिं ॥ ५०६४ ॥ दाहं किविण-वणीमग-दुत्थियदीणाण य जणमणोभिमयं । जिण-पवयणस्स काहं पभावणाओ पभूयाओ ॥ ५०६५ ॥ रयणाभरणदुर्ग जं तेणेक्केणं अलंकरिस्सामि । जणणिं बीएण पुणो, पिया तणुं जणियसम्माणो ॥ ५०६६ ।। बहुदिवसजायदुस्सहविओयदावग्गिजलिरसव्वंगिं ।। नियसंगमेण सययं सुहइस्सं सरलतरलच्छि ॥ ५०६७ ॥ ईय भूरितरुक्कलियाहिं, सो समुद्दो व परिकलिज्जंतो । संपत्तो य कमेणं रयणायरनीरतीरम्मि ॥ ५०६८ ॥ कुसलेणज्जिय वित्ते. पुत्ते पत्ते पहसिओ सेट्ठी । . पुत्तस्स दुग्गयस्स वि, मिलणो तोसो न किं धणिणो ? ॥ ५०६९ ॥ सयणेहिं समं सेट्ठी, समागओ सम्मुहो सुयस्स सयं । तूरंतम्मि सिणेहे को उचियं गणइ भणियं च ॥ ५०७० ॥
Jain Education International
For Private & Personal Use Only
www.jainelibrary.org
